13:23  23  EPISTOLAE  1056.1059  24  Narro8)  tibi.  In  libello  nostro9)  quaesivimus  occasionem  ut  fidei  nostrae  specimen,  quoad  licere  per  tyrannos  existimavimus,  ederemus,  primum  ut  Mahometani  sententiam  meam  de  Christo  intelligerent,  deinde  ut  papistis  istas  ecclesiae  vexationes  magnopere  a  nobis  improbari  significarem,  postremo  ut  pii  adolescentes  (ut  sunt  Pictavii  et  alibi  permulti),  qui  nobis  iudicium  aliquod  perlecto  libello  deferre  poterunt,  meo  exemplo  eo  magis  ad  constantiam  incitentur.  Itaque  quum  de  iureiurando  mentionem  haberemus,  ac  saepe  miraremur  etiam  ethnicos  esse  metu  divini  (ut  Ulpianus  ait)  numinis  a  periurio  deterritos,  ita  faciendum  esse  existimavimus,  ut  animi  nostri  cogitationem  paucis  his  versibus  ederemus:  Saepe  autem  equidem  mecum  ipse  animo  cogitans  quemadmodum  hoc  quasi  sacramento  ac  symbolo  sibi  Dominus  ac  Deus  noster,  creator  coeli  et  terrae  ac  pater  Domini  nostri  Iesus  Christi  Dei  et  hominis,  cunctas  quae  sub  sole  sunt  nationes  inde  usque  ab  ipsius  orbis  initiis  repetita  memoria  perpetuo  cultum  atque  reverentiam  praestare  coegerit,  sentio  me  vehementer  etiam  atque  etiam  ad  ipsius  honorem  et  gloriam  propagandam  inflammari.  Peto  igitur  ab  eo  ex  animo  propter  mortem  filii  sui,  quem  confido  futurum  sanctissimum  et  iustissimum  iudicem  piorum  et  impiorum  omnium,  ut  e  manibus  tyrannorum  atque  inprimis  Epicureorum  ecclesiam  suam  diu  multumque  iniuriis  et  contumeliis  omnibus  afflictam  aliquando  tandem  liberet,  ut  doctrina  nobis  ab  ipso  divinitus  tradita  ubicunque  terrarum  et  gentium  ita  praedicetur  ut,  quod  ipse  quoque  olim  constituit,  sanctissimo  praestito  iureiurando  testem  eum  omnes  mortales  suae  conscientiae  faciant,  ut  perfidiae  atque  impietatum  omnium  vindicem  integerrimum  severissimumque  cognoscant.  Quod  sibi  aut  immutandum  aut  detrahendum  addendumve  aliquid  videbitur,  peto  a  te  ut  me  per  tuas  literas  certiorem  facias.  Iterum  vale.10)  HTMNS.  8)  Sequentia  in  scheda  peculiari  caeteris  addita.  9)  Hic  Ubellus  videtur  fuisse  aliqua  confessio  fidei.  10)  Temporum  et  rerum  ratio  in  vita  Francisci  Hotomanni  non  omni  ex  parte  certa.  Nobis  tamen  iam  constat  eum  m.  Augusto  1547  Lausannae  fuisse  (N.  939,  cf.  968).  Nunc  cur  Lausanna  relicta  Lugdunum  concesserit)  et  quidem  inopia  pressus  ut  videtur,  nescimus.-  ea  tamen  Calvini  diffidentia,  in  qua  hic  multus  est  compescenda,  absque  dubio  aliquo  modo  cum  ista  migratione  cohaeret.