11:23  EPISTOLAE  210.212  nostris  duobus  pro  Petro  tibi  mittimus.  Dixit  enim  se  non  pluribus  teneri  vobis.  Quid  autem  Bernae  egerim,  quo  vultu,  quave  congratulatione  exceptus  fuerim,  nil  aliud  tam  brevi  licet  scribere  quam  me  forte  Uriam  esse.  211.  CALVINUS  FARELLO.  Dissensum  inter  Turicenses  et  Argentoratenses  resarciendum  esse,  et  resarciri  posse  ostendit  Lutheri  et  Zwinglii  comparatio,  quorum  ille  prior  altero  multo  maior.  De  Carolo  iam  sapienti  sat  Nuptias  paulo  post  pascha  celebraturus  est  Conventus  Smalcaldicus.  Anabaptistarum  conversio.  (Ex  autographo  Cod.  Genev.  106,  fol.  22.  Exstant  quoque  ibid.  Cod.  l  l  l  ,  fol.  43,  et  in  Archiv.  Bern.  Epp.  VII.  p.  333,  exemplaria  apographa  saec.  superioris.  Habet  etiam  Simlerus  vol.  47.)  Exposui  diligenter  fratribus  nostris  quae  tu  collegii  vestri  nomine  mihi  mandaveras.  Exceperunt  aequissimis  et  animis  et  auribus  vestras  monitiones.  Nam  et  a  quibus  animis  proficiscantur  optime  norunt  et  vident  non  esse  vana  pericula  quae  timetis.  Dabunt  igitur  operam  quantum  licebit  in  his  turbulentis  temporibus,  ne  frustra  moniti  videantur.  Extremum  illud  de  sarcienda  cum  Tigurinis  concordial)  magno  argumento  est,  vos  non  satis  intelligere,  quanta  fide  sit  in  eo  a  nostris  laboratum.  Nullum  non  moverunt  lapidem  ex  quo  habitus  est  postremus  ille  conventus,2)  quo  eorum  animos  aliquantulum  saltem  mitigarent.  Nam  ad  solidam  benevolentiam  tam  cito  reducere,  ne  sperare  quidem  audebant.  Meminerant  enim  et  quo  modo  accepti  illic  essent,  et  quo  modo  dimissi,  et  quae  deinde  sparsae  de  sua  actione  voces,  et  quae  literae  scriptae.  Quoniam  vero  per  se  parum  proficere  poterant,  adhibuerunt  bonos  omnes  quibus  erat  aliquid  autoritatis  vel  gratiae  apud  illos,  ut  aliqua  tandem  pacificatio  inveniretur,  vel  certe  moderatio.  Interea  Bullingerus  Epistolam  illams)  divulgat  in  qua  versipelles  ac  vertumnos  numerat  inter  evangelii  obstacula,  quibus  nominibus  nostros  velut  digito  designari,  nemo  est  qui  non  videat.  Nostri  tamen  tacere  et  supprimere  tantam  indignitatem  donec  huc  venisset  211.  1)  N.  198.  199.  207.  not  3.  2)  mense  Aprili  1538  exeunte  (Pestalozzi,  Bullinger,  j).  207.  Kirchhofer,  Myconius  p.  306.)  3)  Vadiani  libello  praemissam.