9:229  229  AD  WESTPHALUM.  230  genses,  speciali  revelatione  non  tolli  quod  Christus  instituit  in  Coena.  Imo  quod  Stephano  revelatum  fuit,  fictitium  eorum  errorem  optime  refutat.  Nam  si  tunc  praesentia  Christi  unica  ad  invictam  fidei  constantiam  Stephano  futura  erat,  multo  satius  erat  coram  sisti,  ut  manum  [pag.  261]  porrigeret,  quam  procul  ostendi.  Sicut  ergo  tunc  aperti  sunt  coeli:  ita  discant  oculos  aperire  Magdeburgenses,  ut  Christum  agnoscant,  quamvis  in  coelo  sedentem,  immensa  tamen  et  incomprehensibili  spiritus  sui  virtute  fidelibus  in  terra  esse  coniunctum.  Nam  quod  non  putant  posse  aliter  conciliari,  Christum  habitasse  in  Stephano  quo  tempore  ab  eodem  visus  est,  nimis  est  ridiculum,  quando  et  Christus  ipse  diserte  exprimit,  eodem  modo  quo  pater  in  nobit-  habitat,  se  quoque  habitare,  et  Paulus  modum  illum  definit,  per  fidem.  Nihil  in  hac  doctrina  perplexum  est,  quod  Christus  secundum  carnem  in  coelis  habitans,  quatenus  mediator  est,  repleat  totum  mundum:  et  vere  unum  sit  cum  suis  membris,  quia  communis  est  vita.  Quadragesimum  secundum  argumentum  est:  Corpus  Christi  inclusum  fuit  utero  Mariae,  suspensum  in  cruce,  et  in  sepulcro  conditum:  ergo  non  .est  immensum  et  ubique,  [pag.  262]  Respondent  ita  esse,  ut  pronunciat  Christus.  Ergo  posse  et  velle  esse  uno  in  loco,  et  simul  in  toto  orbe  terrarum.  Atqui  pluris  non  est  haec  solutio,  quam  si  quis  anthropomorphita  blateret,  Deum  esse  nasutum,  quia  affirmat  se  odorari  sacrificia.  Atque  hic  belle  ipsos  deprehensos  teneo.  Dicunt  nos  fallaciter  et  sophistice  crebro  ratiocinari  ab  attributis  corporis  iu  abstracto  ad  Christi  personam:  Quae  calumnia  nullo  negotio  diluitur.  Neque  enim  docemus  Christum,  quamvis  corpus  eius  finitum  sit,  eadem  dimensione  comprehendi:  imo  asserimus  replere  omnia,  quia  separari  ipsum  a  suis  membris  nefas  est.  Quia  autem  de  carne  quaestio  est,  in  ea  insistimus.  Denique  discrimen,  quod  tenendum  est  inter  Christi  carnem  in  abstracto  et  eius  personam,  nos  dextre  illustramus:  ipsi  perversissime  confundunt.  Quia  ut  carnem  Christi  immensam  et  ubique  esse  probent,  identidem  obiiciunt  [pag.  263]  unam  esse  personam  in  Christo.  Itaque  tam  carnis  suae  quam  divinitatis  respectu  coelum  et  terram  implere.  An  non  hoc  est  carnem  Christi  in  abstracio  quasi  capillis  trahere,  ut  sequatur  quocunque  se  extendit  divinitas?  Quadragesimum  tertium  argumentum  paulo  fidelius  referam  quam  ipsi.  Quum  se  promisit  Christus  fore  in  medio  nostri,  de  spirituali  praesentia  intelligi  id  debet.  Atqui  promisit  quo  nihil  melius  optari  potest.  Tali  igitur  praesentia  contenta  esse  potest  fides.  Respondent,  hac  illustri  sententia  nos  iugulari,  quia  Christum  ex  his  verbis  nobis  adesse  colligimus  qualis  tunc  erat,  hoc  est,  Deus  et  homo.  Quid  si  eontra  excipiam,  non  adesse  corporaliter