7:229  229  DES  LIBERTINS.  230  perance  que  nous  avons  de  la  renovation  de  toutes  creatures.  Il  s'ensuit:  Ainsi  qu'il  est  escrit  de  la  transfiguration  la  ou  estoit  Moyse,  Helie  et  Iesus  Christ  au  millieu.  Moyse  estoit  la  loy  ancienne,  dure  et  importable.  Iesus  Christ  la  loy  doulce,  gratieuse  et  traictable.  Helie  estoit  le  dernier,  signifiant  la  fin  du  monde,  comme  il  monstra  a  son  partement  en  son  chariot  ardent,  plein  [page  196]  de  feu,  appelle  double  esprit,  et  par  lequel  nous  sommes  consommez  hors  de  ce  monde  terrestre.  Et  pourtant,  disoit  Iesus  Christ  par  sainct  Iehan  :  Ie  vois  un  nouveau  ciel  et  une  nouvelle  terre.  C'estoit  le  monde,  lequel  estoit  desia  fine:  non  pas  en  tous,  comme  il  n'est  a  present.  Le  monde  est  fine  pour  ceux  lesquell  sont  en  Christ,  et  ne  vivent  plus  selon  la  chair.  Car  la  prudence  de  la  chair  est  mort  et  pleine  de  mort.  Voyez  l'audace  de  ce  pendard,  de  n'avoir  nulle  honte  de  contrefaire  le  grand  docteur,  en  racomptant  des  fables  du  livre  des  quenouilles,l)  pour  expositions  mystiques  de  l'Escriture.  Voila  Iesus  Christ  qui  se  monstre  en  gloire  au  milieu  de  Moyse  et  d'Helie  (Matth.  17,  3),  c'est  a  dire  de  la  loy  et  des  prophetes,  pour  denoter  que  Moyse  et  les  prophetes  luy  ont  rendu  tesmoignage,  et  qu'il  est  le  vray  but,  auquel  toute  leur  .  doctrine  se  doit  rapporter:  et  est  au  milieu,  comme  au  lieu  le  plus  honorable,  pour  monstrer  qu'il  est  le  chef  en  la  maison,  2)  comme  dict  l'Apostre  (Hebr.  3,  2.  5),  [page  197]  et  que  les  autres  n'ont  este  que  serviteurs.  Ce  pourceau  renversant  de  son  groing  ce  beau  mystere,  a  fin  que  Christ  ne  soit  plus  la  fin  de  tout,  colloque  Helie  au  souverain  degre  et  le  fait  la  perfection  de  tout,  n'attribuant  autre  chose  a  Iesus  Christ,  sinon  qu'il  nous  meine  iusque  au  milieu  du  chemin:  qui  est  la  doctrine  de  Mahomet.  Apres  en  ce  qu'il  dict  que  le  monde  est  desia  fine,  il  desgorge  encor  plus  apertement  ce  blaspheme,  tant  de  leur  perfection  qu'ilz  imaginent,  que  de  la  resurrection  telle  qu'ilz  la  preschent.  C'est  qu'elle  est  ia  faicte,  entant  que  par  phantasie  ilz  sont  glorieux  plus  que  les  anges  de  paradis.  En  ce  qu'il  fait  le  chariot  de  feu,  auquel  fut  ravy  Helie  hors  de  ce  monde,  double  esprit:  premierement  c'est  une  falsification  manifeste  du  texte,  ou  il  est  seulement  recite,  que  Helisee  demanda  a  son  maistre,  d'avoir  apres  luy  l'Esprit  de  Dieu  au  double  qu'il  ne  l'avoit  eu,  adioustant  que  cela  luy  fut  octroye  (2  Rois  2,  9).  Secondement,  en  ce  mot  [page  198]  est  cachee  l'abomination  qu'ilz  ont  en  leur  secte,  de  se  desguiser  et  1)  fabulas  aniles  ex  libro  ut  aiunt  coluum.  2)  in  domo  Dei.