56:229  229  NOMBRES.  230  40.  C'est  un  memorial  aux  enfans  d'Israel,  afin  que  nul  estranger  qui  n'est  point  de  la  semence  d'Aaron  n'offre  faisant  perfunrigation  en  la  presence  de  l'Eternel,  et  qu'il  ne  soit  comme  Core  et  comme  sa  bande:  ainsi  que  l'Eternel  en  a  parle  par  la  main  de  Moyse.  41.  Or  le  lendemain  toute  l'assemblee  des  enfans  d'Israel  murmura  contre  Moyse  et  Aaron,  disant,  Vous  avez  fait  mourir  le  peuple  de  l'Eternel.  42.  Et  comme  l'assemblee  s'amassoit  contre  Moyse  et  Aaron,  ils  regarderent  vers  le  tabernacle  de  convenance,  et  voici  une  nuee  qui  les  couvrit,  et  la  gloire  de  l'Eternel  apparut.  43.  Moyse  donc  et  Aaron  veinrent  devant  le  tabernacle  de  convenance.  44.  Et  l'Eternel  parla  a  Moyse,  disant,  45.  Ostez-vous  du  milieu  de  ceste  congregation,  et  ie  les  consumeray  en  un  moment.  Adonc  ils  se  prosternerent  sur  leur  face.  46.  Puis  Moyse  dit  a  Aaron,  Pren  l'encensoir,  et  mets  en  iceluy  du  feu  de  l'autel,  aussi  mets  y  du  perfum,  et  t'en  va  incontinent  en  la  congregation,  pour  la  reconcilier.  Car  la  fureur  est  sortie  de  la  face  de  l'Eternel.  La  playe  est  commencee.  47.  Et  Aaron  le  preint  comme  Moyse  luy  avoit  dit,  et  s'en  courut  au  milieu  de  la  congregation  :  et  voici  la  playe  avoit  ia  commence  sur  le  peuple,  lors  il  mit  du  perfum,  et  reconcilia  le  peuple.  48.  Et  comme  il  se  tenoit  entre  les  morts  et  les  vifs,  la  playe  fut  restrainte.  49.  Et  ceux  qui  moururent  de  ceste  playe,  furent  quatorze  mille  sept  cens,  outre  les  autres  morts  a  cause  de  Core.  50.  Puis  Aaron  retourna  a  Moyse  a  la  porte  de  convenance,  et  la  playe  fut  restrainte.  Chapitre  XVII.  1.  Apres  cela  l'Eternel  parla  a  Moyse,  disant,  2.  Parle  aux  enfans  d'Israel,  et  pren  de  chacun  d'eux  une  verge,  selon  la  maison  du  pere,  voire  de  tous  les  princes,  selon  la  maison  de  leurs  peres,  assavoir  douze  verges:  tu  escriras  le  nom  d'un  chacun  sur  sa  verge.  3.  Mais  tu  escriras  le  nom  d'Aaron  sur  la  verge  de  Levi:  il  y  aura  une  verge  pour  chacun  prince  de  sa  famille.1)  4.  Tu  les  colloqueras  au  tabernacle  de  convenance  devant  le  tesmoignage,  ou  ie  conviendray  avecques  vous.  5.  Et  la  verge  de  l'homme  que  i'auray  eleu,  fleurira:  et  feray  cesser  d'entour  de  moy  les  murmures  des  enfans  d'Israel,  lesquels  murmurent  contre  vous.  6.  Quand  Moyse  eut  parle  aux  enfans  d'Israel,  tous  leurs  princes  leur  baillerent  une  verge:  une  verge  pour  chacun  prince  selon  la  maison  de  leurs  peres,  ainsi  il  y  eut  douze  verges:  et  la  verge  d'Aaron  estoit  entre  leurs  verges.  7.  Et  Moyse  posa  les  verges  devant  l'Eternel  au  tabernacle  du  tesmoignage.  8.  Et  quand  Moyse  veint  le  lendemain