55:229  229  CAPUT  I.  230  Christianos:  quia  non  praedicatur  evangelium  ut  tantum  audiatur  a  nobis,  sed  ut  animas  nostras,  tanquam  immortalis  vitae  semen,  penitus  refingat.  Porro  semen  corruptibile  ideo  opponit  verbo  Dei,  ut  sciant  fideles  priori  naturae  renuntiandum  esse,  ac  ut  melius  pateat  quantum  sit  discrimen  inter  Adae  filios,  qui  tantu  min  mundum  nascuntur  homines,  et  filios  Dei  qui  renovantur  in  coelestem  vitam.  Caeterum  quia  ambigua  est  graecae  orationis  syntaxis,  possumus  legere  tam  sermonem  viventem  Dei,  quam  Dei  viventis.  Quia  tamen  minus  coacta  est  haec  posterior  lectio,  eam  potius  amplector.  Quamquam  notandum  est,  haec  epitheta  Deo  attribui  pro  loci  circumstantia.  Nam  sicuti  ad  Heb.  cap.  4,  12,  ex  eo  quod  Deus  omnia  perspicit,  ac  nihil  est  illi  absconditum,  ratiocinatur  apostolus,  sermonem  ipsius  Dei  ad  intimas  usque  medullas  penetrare,  ut  cogitationes  et  affectus  discernat:  ita  quum  hoc  loco  Petrus  eum  viventem  nominat  et  semper  manentem,  hoc  ad  sermonem  refertur,  in  quo  illa  Dei  perpetuitas  relucet,  tanquam  in  vivo  speculo.  24.  Quandoquidem  omnis  caro.  Locum  Iesaiae  (40,  6)  apte  citat  ad  probationem  utriusque  membri:  hoc  est,  ut  constet  quam  fluxa  et  misera  sit  prima  hominis  nativitas,  et  quanta  regenerationis  gratia.  Nam  quia  illic  propheta  de  restitutione  ecclesiae  concionatur,  ut  locum  illi  faciat,  homines  redigit  in  nihilum,  ne  sibi  placeant.  Scio  a  quibusdam  torqueri  haec  verba  in  alium  sensum.  Quidam  enim  de  Assyriis  exponunt,  ac  si  diceret  propheta,  non  esse  cur  Iudaei  sibi  a  carne  tantopere  metuant,  quae  similis  est  flori  caduco.  Alii  inanem  fiduciam  reprehendi  putant,  quam  Iudaei  locabant  in  humanis  praesidiis.  Sed  utrumque  sensum  refellit  propheta  ipse,  dum  subiicit:  Utique  herba  est  populus.  Diserte  enim  vanitatis  Iudaeos  damnat,  quibus  promittit  instaurationem  a  Domino.  Hoc  itaque  est  quod  iam  dixi,  donec  ostensa  fuerit  hominibus  sua  inanitas,  non  esse  ad  recipiendam  Dei  gratiam  comparatos.  In  summa,  talis  est  prophetae  contextus,  Quoniam  Iudaeis  exilium  instar  mortis  cuiusdam  erat,  novam  de  integro  consolationem  illis  promittit.  Deum  enim  adhuc  prophetas  missurum  cum  eiusmodi  mandato:  Adhuc  dicet  Dominus,  inquit,  consolamini  populum  meum  :  ac  in  deserto  et  vastitate  nihilominus  vox  prophetica  resonabit,  ut  via  Domino  sternatur.  Quoniam  autem  purgari  animos  perversa  superbia,  qua  turgent,  necesse  est,  ut  Deo  aditus  pateat,  subiicit  quod  hic  refert  Petrus  de  evanida  carnis  gloria.  Quid  est  homo?  inquit,  gramen.  Quid  est  hominis  gloria?  flos  herbae.  Nam  quia  difficile  persuasu  erat,  hominem,  in  quo  tantum  praestantiae  apparet,  esse  herbae  similem,  quadam  concessionis  specie  utitur  propheta:  ac  si  diceret,  Sit  sane  aliqua  carnis  gloria:  sed  ne  ea