52:229  229  DU  DERNIER  IOUR  230  aorte.  Et  vous  Papistes,  que  faites-vous?  Ii  n'y  a  que  fierte  et  presomption  en  vous:  vous  venez  heurter  des  cornes  a  l'encontre  de  toutes  les  promesses  que  Dieu  vous  donne,  et  cuidez  avoir  de  Tous-mesmes  ce  qui  vous  est  donne  de  Iesus  Christ.  Vous-vous  confiez  en  vos  oeuvres  et  en  vos  merites:  vous  allez  chercher  des  patrons  et  des  advocats  tels  que  bon  vous  semble:  et  cependant  Iesus  Christ  est  laisse  derriere.  Il  n'y  a  nulle  foy  en  vous:  qui  pis  est,  vous  estes  rebelles  a  Dieu,  vous  luy  faite  Ia  guerre  mortelle,  au  lieu  que  vous  le  pensez  bien  servir  et  honorer.  Ainsi  donc  nous  avons  bien  a  magnifier  nostre  Dieu,  de  ee  qu'il  nous  a  retirez  de  tels  abysmes,  et  nous  a  monstre  quelle  est  la  vraye  entree  en  son  service.  C'est  ascavoir  qu'il  nous  conioigne  purement  a  la  doctrine  de  l'Evangile  et  que  nous  recevions  les  promesses  qu'il  nous  donne.  Au  reste  si  nous  appercevons  que  les  hommes  soyent  humiliez,  voyla  un  vray  preparatif  pour  les  amener  au  service  de  Dieu,  mesmes  a  l'obeissance  plene  et  parfaite  que  Dieu  approuve.  Voyla  donc  un  item,  que  toute  incredulite  est  rebellion  contre  Dieu  :  comme  il  n'y  a  nulle  obeissance  sinon  qu'elle  commence  par  ia  foy.  Or  S.  Paul  dit  que  ceux  qui  n'obeissent  point  a  l'Evangile  ne  cognoissent  point  Dieu.  En  quoy  nous  voyons  que  l'ignorance  n'est  point  a  excuser  es  hommes,  comme  beaucoup  en  cuident  faire  un  bouclier:  et  leur  semble  que  c'est  assez  quand  ils  ne  seront  point  convaincus  manifestement  d'avoir  failli  a  leur  escient:  et  ils  font  leur  conte  que  Dieu  leur  doit  pardonner  le  tout.  Voire?  mais  notamment  voyci  S.  Paul  qui  pro-  Bonce  que  Iesus  Christ  viendra  pour  destruire  ceux  qui  n'ont  point  cognu  Dieu.  Apprenons  donc  qu'il  faut  que  nous  demeurions  confus  et  perdus,  sinon  que  nous  cognoissions  celuy  qui  nous  a  creez  et  celuy  qui  nous  a  rachetez.  Et  de  faict,  c'est  bien  raison.  Car  pourquoy  Dieu  nous  a  donne  sens  et  esprit,  sinon  a  fin  qu'en  le  cognoissant  nous  l'adorions,  et  que  nous  luy  rendions  l'honneur  qui  luy  appartient?  Les  hommes  voudront  bien  estre  prisez  et  honorez,  et  ils  laisseront  la  leur  Createur  derriere.  Quel  propos  y  a-il  ?  Cela  n'est-il  pas  contre  nature?  Mais  cependant  notons  que  l'ignorance  qui  est  aux  incredules  ne  procede  pas  d'une  pure  simplicite,  mais  il  y  a  de  la  malice,  de  l'orgueil  et  de  l'hypocrisie,  qui  fait  qu'ils  n'ont  discretion  ne  gens.  Comment  cela?  Car  si  nous  pouvions  cognoistre  Dieu,  il  est  certain  que  nous  viendrions  nous  humilier  devant  luy:  car  il  est  impossible  que  les  hommes  puissent  penser  que  c'est  de  Dieu,  qu'ils  ne  soyent  touchez  au  vif  de  quelque  crainte  pour  plier  sous  luy.  Et  ainsi,  quand  nous  luy  sommes  rebelles,  c'est  signe  que  iamais  nous  ne  l'avons  cognu:  car  c'est  une  chose  trop  vive  que  ceste