51:229  229  CAPUT  VL  230  mandato  id  esse  peculiare.  Si  singula  praecepta  suas  haberent  promissiones,  non  tantam  vim  haberet  haec,  de  qua  nunc  agitur,  ad  commendationem  praecepti.  At  primum  est  hoc  praeceptum,  inquit  Paulus,  quod  singulari  promissione,  quasi  sigillo,  Deus  confirmare  voluit.  Quamquam  id  difficultate  non  caret:  secundum  enim  praeceptum  similiter  promissionem  continet,  Ego  Deus,  qui  facio  misericordiam,  ete.  Sed  quum  ea  sit  universalis,  quae  ad  totam  legem  promiscue  pertinet,  non  dicemus  annexam  esse  mandato.  Verum  ergo  manet  quod  dicit  Paulus,  non  aliud  mandatum  promissione  insigniri  quam  quod  de  obedientia  patribus  debita  praecipit.  Promissio  est  de  longitudine  vitae.  Unde  intelligimus,  praesentem  vitam  censeri  inter  non  contemnenda  Dei  dona.  Sed  et  hoc  et  alia  ex  institutione  discant  lectores.  Tantum  hic  breviter  notabo,  mercedem  promitti  filiorum  erga  patres  obsequio  probe  congruentem:  quum  bene  illis  fore  pronuntiat  Deus  in  hac  vita,  qui  se  gratos  exhibuerint  parentibus,  per  quos  eam  adepti  sunt.  3.  Super  terram.  Apud  Mosem  nominatim  terra  Chanaan  exprimitur:  quod  Iudaeis  extra  illam  nec  felix  nec  optabilis  vita  esse  poterat:  sed  quia  in  totum  orbem  hodie  effusa  est  eadem  Dei  benedictio,  merito  loci  designationem  omisit  Paulus,  quae  ex  discrimine  illo  pendebat,  quod  non  nisi  ad  Christi  adventum  duravit.  4.  Vos  etiam  patres.  Vicissim  hortatur  patres,  ne  immodica  saevitia  filios  exasperent.  Hinc  enim  nascitur  odium  :  ex  quo  fit  demum,  ut  iugum  prorsus  excutiant.  Ideo  ad  Colossenses  (3,  21)  additur,  ne  despondeant  animum.  Ingenua  enim  tractatio  et  moderata  magis  liberos  retinet  in  parentum  timore,  et  obsequendi  studium  ac  alacritatem  illis  auget.  Contra  durities  et  illiberalis  austeritas  eos  ad  contumaciam  inflammat,  et  pios  affectus  exstinguit.  Proinde  iubet  Paulus,  humaniter  eos  foveri.  Nam  verbum  exxpecpstv  procul  dubio  indulgentiam  et  comitatem  sonat.  Rursus  tamen,  ne  haec  sit  nimium  dissoluta,  ut  interdum  esse  solet,  quasi  iniecto  fraeno  eam  contrahit,  dicens  in  disciplina  et  correptione  Domini.  Neque  enim  ita  blandos  filiis  parentes  vult  esse  Deus,  ut  parcendo  corrumpant.  Sit  igitur  comitas  temperata,  ut  contineantur  in  disciplina  Domini,  et  corrigantur  etiam  dum  errant.  Frequenter  enim  admonenda  est  aetas  illa,  ac  fraeno  etiam  coercenda  ne  lasciviat  5.  Servi,  obedite  dominis  secundum  carnem  cum  timore  et  tremore  in  simplicitate  cordis  vestri,  tanquam  Christo:  6.  non  quasi  ad  oculum  servientes,  tanquam  hominibus  studentes  placere7  sed  tanquam  servi  Christi^  facientes  voluntatem  Dei  ex  animo,  7.  cum  benevolentia,  servientes  Domino  et  non  homi-