5:229  PSYCHOPANNYCHIA.  esse.  Si  enim  ille  solus  est,  qui  est:  non  vere  sunt,  qui  in  illo  non  sunt,  propterea  quod  a  facie  eius  perpetuo  confunduntur  ac  deiiciuntur.  Deinde,  non  video,  quid  nos  tantopere  offendere  debeat  haec  loquendi  forma,  si  simpliciter  non  esse  dicantur  mortui,  modo  id  ad  homines  referatur.  Iam  enim  non  sunt  apud  homines,  nec  coram  hominibus:  tametsi  apud  Deum  sint.  Ita  (ut  uno  verbo  explicemus)  non  esse,  erit  non  exstare.  Quale  est  illud  Ieremiae:  Vox  in  Rhama  audita  est,  Rachel  plorantis  filios  suos,  et  noluit  consolari,  quia  non  sunt  (Ier.  31,  15).  Iam  ad  ea  veniamus,  quae  supersunt  ex  historia  Iob.  Quaedam  enim  sparsim,  ut  occurrebant,  attigimus.  Primum:  Quare  non  in  vulva  mortuus  sum?  egressus  ex  utero  non  statim  perii?  cur  exceptus  genibus?  cur  lactatus  uberibus?  nunc  enim  dormiens  silerem,  et  somno  meo  requiescerem,  cum  regibus  et  consulibus  terrae,  qui  aedificant  sibi  solitudines,  aut  cum  principibus,  qui  possident  aurum,  et  replent  domos  suas  argento:  aut  sicut  abortivum  absconditum,  non  subsisterem:  ut  qui  concepti  non  viderunt  lucem:  ibi  impii  cessaverunt  a  tumultu,  et  ibi  requieverunt  fessi  [fol.  49]  robore:  et  quondam  vincti,  sine  molestia,  non  audierunt  vocem  exactoris:  parvus  et  magnus  ibi  sunt:  et  servus,  liber  a  domino  suo  (Iob.  3,  9.11).  Quid  si  decimum  quartum  Isaiae  caput  (vs.  9  ss.)  retorqueam?  ubi  mortui  describuntur  prodeuntes  e  sepulcris,  ac  obviam  euntes  regi  babylonio:  ubi  eorum  sermones  referuntur:  Ecce,  tu  humiliatus  e-  quemadmodum  nos,  etc.  Nihilo  enim  minore  praetextu  inde  argua,m,  mortuos  sentire  atque  intelligere,  quam  ipsi  ex  verbis  illis  colligunt,  omni  sensu  excidisse:  sed  relinquo  illis  tales  nugas.  In  loco  autem,  quem  citant,  explicando,  non  multum  erit  negotii,  nisi  volumus  nobis  ipsi  fingere  labyrinthos.  Iob  enim  pressus  multa  afflictione,  et  quasi  fatigatus  sub  onere,  praesentem  duntaxat  miseriam  respicit:  et  eam  non  solum  maximam  omnium  facit,  sed  paene  solam.  Mortem*  nihil  horret,  imo  appetit:  quod  omnibus  aequam  afferat  sortem:  regum  imperia  finiat,  et  servorum  pressuras:  quae  sit  denique  rerum  omnium  linea,  in  qua,  quam  quisque  sortitus  sit  in  hac  vita  conditionem,  deponat.  Sic  enim  sperat,  ut  et  ipse  suae  calamitatis  finem  visurus  sit:  interim  non  respicit,  quibus  legibus  illic  vivatur,  quid  facturus,  quid  passurus  sit.  Tantum,  omni  animi  ardore  expetit  mutari  praesentem  rerum  statum,  ut  mos  est  eorum,  qui  vehementi  doloris  sensu  urgentur,  atque  afflictantur.  Nam  si  in  magnis  aestatis  caloribus,  benignam  hyemem  iudicamus:  rursum,  hyemis  frigoribus  puncti,  omnibus  votis  ad  aestatem  aspiramus:  quid  faciet  is,  qui  manum  Dei  sentit  sibi  adversam?  Nihil  malorum  refugiet,  modo  praesens  malum  effugiat.  Hoc  si  non  illis  persuadetur,  nihil.  mirum.  Concerpunt  enim