29:229  229  SUR  LE  DEUTER.  CHAP.  XXXIV.  230  receue  comme  de  sa  bouche,  qu'il  ne  permette  point  qu'ils  soyent  contemptibles  ni  en  opprobre:  comme  nous  voyons  que  l'ingratitude  du  monde  n'appette  que  cela,  et  que  le  Diable  aussi  ne  demande  sinon  de  faire  que  les  Ministres  soyent  mesprisez,  afin  que  la  parolle  qu'ils  portent  soit  mesprisee.  Qu'avons-nous  donc  a  faire,  sinon  d'invoquer  Dieu,  qu'il  besongne  en  telle  sorte  que  nous  profitions,  et  que  nostre  labeur  edifie,  d'autant  qu'il  nous  aura  donne  authorite  de  parler  en  son  Nom?  Voila  donc  comme  nous  devons  prattiquer  ce  passage.  Or  cependant  il  nous  est  monstre  quelle  a  este  l'obeissance  que  les  Iuifs  ont  rendue  a  Iosue.  Et  de  la  nous  pouvons  recueillir  comment  c'est  que  nous  devons  obeir  aux  hommes,  c'est  assavoir  quand  Dieu  domine,  qu'il  a  son  empire  souverain,  que  les  hommes  ne  sont  que  ses  ministres.  Or  il  est  vray  que  si  Dieu  permet  qu'il  y  ait  des  tyrans  sur  nous,  qu'il  nous  faut  plier  le  col  pour  porter  un  tel  ioug:  voire,  mais  cependant  ce  n'est  pas  que  nous  devions  decliner  de  sa  parolle.  Quand  les  Princes,  les  Magistrats  les  Pasteurs  de  l'Eglise  nous  voudroyent  destourner  de  ce  que  nostre  Seigneur  nous  declare,  plustost  mourir  cent  fois.  Pourquoy?  l'obeissance  que  nous  devons  aux  hommes  doit  estre  tousiours  reiglee  a  cela,  c'est  que  Dieu  retienne  tousiours  son  lieu,  et  que  chacun  s'assuiettisse  a  luy,  et  grans  et  petis.  Notons  bien  donc,  quand  nous  voudrons  que  nostre  Seigneur  approuve  ceste  humilite  que  nous  monstrons  en  obeissant  aux  hommes,  qu'il  ne  faut  point  qu'il  soit  prive  et  despouille  de  son  droict:  mais  qu'il  nous  gouverne  par  la  main  et  par  le  moyen  des  hommes.  Et  en  cela  voyons-nous  comme  beaucoup  auiourd'huy  s'abusent.  Car  il  leur  semble  qu'ils  sont  excusez,  moyennant  que  leurs  peres,  ou  leurs  ancestres,  ou  leurs  Princes  mesme  les  approuvent  et  advouent:  mais  ils  ne  laisseront  pas  d'estre  condamnez  devant  Dieu:  car  si  un  aveugle  mene  un  autre,  tous  deux  trebuscheront  en  la  fosse,  et  le  premier  ne  sauvera  point  le  second.  Apprenons  donc  d'obeir  tellement  a  ceux  qui  ont  superiorite  par  dessus  nous,  que  cependant  Dieu  nous  retienne  sous  luy  et  sous  sa  conduite,  et  que  nostre  vie  soit  reiglee  a  sa  parolle.  Et  sur  tout  que  nous  ayons  cela  pour  recommande  quant  au  regime  spirituel  de  l'Eglise:  car  si  nous  voulons  faire  comme  les  Papistes,  qui  alleguent  qu'ils  ensuyvent  leurs  prelats,  et  qu'ils  font  ce  qui  leur  est  commande,  nous  serons  apostats:  car  nous  voyons  que  Dieu  s'est  reserve  ceste  obeissance  de  nous  gouverner  selon  sa  volonte,  et  ne  veut  point  que  sa  parolle  soit  corrompue  en  facon  que  ce  soit:  il  veut  dominer  par  dessus  nous  tellement,  qu'on  ne  mesle  point,  et  qu'on  n'apporte  rien  parmi  ce  qu'il  a  ordonne,  de  ce  que  nous  aurons  forge  en  nostre