27:229  229  SUR  LB  DEUTER.  CHAP.  XIII.  230  cela,  et  que  nous  monstrions  que  la  verite  de  Dieu  est  assez  forte  pour  nous  retenir  a  soy:  comme  i'ay  dit  que  la  foy  doit  estre  victorieuse  par  dessus  tout  le  monde,  que  nous  soyons  sourds  a  escouter  toutes  les  tromperies  qui  sont  pour  nous  desbaucher  de  Dieu  et  de  la  pure  verite.  Voila  en  somme  ce  qui  nous  est  monstre  en  ce  passage.  Et  notons  bien  comme  Moyse  parle.  Si  un  prophete  se  leve  au  milieu  de  toy,  dit-il.  Il  monstre  par  ceci  qu'il  ne  nous  faut  point  seulement  resister  aux  ennemis  manifestes  qui  bataillent  contre  la  parolle  de  Dieu^  et  ne  font  point  aussi  semblant  d'estre  du  trouppeau,  ni  d'avoir  rien  de  commun,  ni  de  prochain  avec  nous:  mais  nous  devons  resister  aux  combats  domestiques,  quand  il  se  levera  quelque  seducteur  d'entre  nous,  c'est  a  dire,  qu'il  aura  fait  semblant  d'estre  de  la  compagnie  des  fideles  :  et  qu'il  estoit  comme  domestique  de  la  foy:  si  celuy-la  (dit-il)  se  leve,  ii  ne  faut  point  que  nous  soyons  troublez  outre  mesure.  Or  ceci  est  bien  a  noter:  car  si  la  foy  Chrestienne  est  combattue  par  les  meschans,  qui  ne  font  point  semblant  de  s'approcher  de  Dieu,  comme  les  Turcs,  les  Payens,  les  Iuifs,  ainsi  qu'ils  blasphement  a  pleine  gorge,  et  qu'ils  se  sont  pleinement  retranchez  de  l'Eglise,  comme  des  membres  pourris:  si  ceux-la  resistent  a  l'Evangile,  et  qu'ils  taschent  d'abolir  la  religion  Chrestienne,  nous  n'en  serons  pas  si  estonnez.  Et  pourquoy?  Car  nous  sommes  comme  endurcis  a  tels  exemples.  Ceste  tentation-la  donc  se  surmontera  aisement  quand  les  ennemis  manifestes  s'eslevent  contre  Dieu,  et  sa  parolle.  Mais  quand  ceux  qui  sont  conioints  avec  nous,  qui  sont  comme  de  nostre  corps,  viennent  a  deschirer  par  piece  l'union  de  nostre  foy  pour  per  vertir  la  verite  de  Dieu,  et  la  corrompre  en  telle  sorte  qu'elle  soit  desguisee:  nous  voila  en  telle  perplexite  et  angoisse  que  nous  ne  savons  que  devenir.  Et  c'est  ce  qui  trouble  auiourd'huy  tant  de  simples  gens:  Que  ferons-nous?  Car  nous  voyons  tant  de  disputes  en  l'Eglise,  tant  d'opinions  diverses:  il  vaut  mieux  ne  s'enquerir  de  rien:  en  sorte  que  plusieurs  s'anonchallissent,  craignans  de  s'envelopper  en  des  choses  mauvaises,  et  d'estre  seduits,  ils  laissent  la  tout,  et  ne  veulent  point  approcher  nullement  de  Dieu.  Nous  en  verrons  beaucoup  de  telle  sorte.  Les  autres  se  laschent  la  bride,  et  se  donnent  une  licence  mauvaise,  de  maintenant  dire  d'un,  maintenant  d'autre,  et  n'avoir  rien  de  resolu:  mais  du  iour  au  lendemain  varient,  et  changent  a  chacune  minute  de  temps.  Nous  voyons  auiourd'huy  beaucoup  d'esprits  volages  qui  n'ont  rien  de  certain,  et  leur  semble  que  tout  leur  soit  licite.  Et  pourquoy?  Car  ie  voy  qu'il  y  a  des  opinions  diverses.  Or  telles  gens  monstrent  qu'ils  n'ont  iamais  gouste  que  c'est  de  la  verite  de  Dieu.  Les  premiers  monstrent  bien  une  maudite  incre-