10.1:229  CONSILIA.  haberes.  Interim,  quod  sponte  scio  te  facere,  conservandae  unitati  studeas  obtestor.  Tempora  ipsa  nos  satis  docent,  quam  necesse  sit  fideliter  in  Domino  conspirare,  quo  ita  iunctis  animis  adversus  Satanam  omnesque  eius  ordines  militemus.  Dominus  Iesus  te  conservet,  frater  integerrime,  et  mihi  in  Domino  reverende.  Rogo  ut  meo  nomine  salutes,  quos  sperabis  aequo  animo  salutem  accepturos.  AD  QUASDAM  PIORUM  FRATRUM  CONTROVERSIAS,  i)  Ecclesiae  N.  calamitas  non  parvo  nos  dolore  affecit:  sed  quia  nunc  Deus,  ut  suos  exerceat,  laxare  videtur  Satanae  et  improbis  fraena,  patienter  nobis  ferenda  est  nostra  conditio.  Rogandus  interea,  ut  pro  sua  indulgentia  teneri  et  pusilli  gregis  infirmitati  parcat.  Qui  vero  existimant  infeliciter  cum  ecclesia  agi,  quoties  hostium  furore,  aut  crudeli  violentia  impetitur,  nondum  tenent  christianae  militiae  rudimenta.  Hinc  illa  dubitatio,  quae  multorum  animis  obrepsit,  eosque  nunc  occupat:  An  piis  liceat  nocturnos  habere  vel  clandestinos  coetus.  Videmus  enim  praecipue  iudicium  fieri  ab  eventu,  quo  nihil  est  magis  praeposterum.  Nuper  quum  absque  molestia  convenirent,  putarunt  etiam  absque  controversia  gratum  esse  Deo  suum  obsequium:  nunc  ubi  exorta  est  persequutio,  disputant  an  non  poenas  luant  suae  temeritatis?  Hoc  modo  mox  etiam  damnabitur  fidei  confessio,  quae  impiorum  rabiem  magis  accendit.  Denique  secundum  istos  censores,  non  expediet  Christum  sequi,  nisi  prospero  successu.  Non  abs  re  Paulus  ludibria  Ismaelis  in  sumato  persequutionis  gradu  statuit  (Gal.  4,  29):  quia  plus  est  periculi  a  subsannatione  et  opprobriis,  quam  ab  armata  saevitia.  Si  rebus  adversis  premi  nos  vident  impii,  miseriis  nostris  insultant.  Hic  si  labascit  nostra  constantia,  gravius  verbis  nocent,  quam  gladio.  Atqui  tenendum  erat  illud  Pauli:  Quia  speramus  in  Deum  vivum,  non  tantum  persequutionem  ferendam  esse,  sed  contumelias.  Veniat  igitur  nobis  in  mentem  exemplum  Christi,  quem  virulento  isto  telo  vulnerare  conatus  est  Satan:  Speravit  in  Deo,  liberet  eum  si  vult:  ne  titubemus  quoties  expositi  videmur  hostium  libidini.  Quod  si  primo  impetu  vel  attoniti  fuerunt  fratres,  vel  turbati,  tuum  est  eos  fulcire,  ne  prorsus  concidant:  vel  etiam  erigere,  ut  animos  iterum  colligant:  nec  ideo  deficiant  a  sancto  instituto,  quia  impiis  illud  occasionem  dederit  saeviendi.  Nam  si  res  ipsa  per  se  aestimatur,  expedita  erit  responsio,  non  fuisse  apostolis  vitio  datos  conventus  et  privatos  et  clandestinos  et  a  quibus  nihil  differunt  qui  nunc  sub  papatu  habentur.  Poterant  tunc  quoque  malevoli  obiicere,  non  sine  suspicione  noctu  et  clam  1)  Epp.  et  Responsa  ed.  Genev.  p.  331,  Laus.  p.  628,  Hanov-  p.  708,  Chouet  p.  455,  Amst  p.  208.