51:228  rentiam  significans,  quae  illas  obsequentes  reddat.  Nusquam  enim  erit  voluntaria  subiectio,  nisi  praecedat  reverentia.  CAPUT  VI.  1.  Filii,  obedite  parentibus  vestris  in  Domino.  Hoc  enim  est  iustum.  2.  Honora  patrem  tuum  et  matrem:  quod  est  mandatum  primum  cum  promissone:  3.  ut  bene  tibi  sit,  et  sis  lon  g  aevus  super  terram.  4.  Vos  etiam  patres,  ne  ad  iram  provocetis  filios  vestros:  sed  educate  eos  in  disciplina  et  correptione  Domini,  1.  Filii  obedite.  Honoris  nomen  latius  patet,  quam  obedientiae.  Cur  ergo  genus  ad  speciem  restringit?  Nempe  quia  obedientia  testimonium  est  eius  honoris,  quem  debent  filii  parentibus:  ideo  eam  potissimum  exigit.  Deinde  in  ea  praestanda  plus  est  difficultatis.  Fugit  enim  subiectionem  humanum  ingenium,  et  se  aegre  sub  alterius  imperium  cogi  patitur.  Docet  experientia  quam  rara  sit  haec  virtus.  Nam  quotumquemque  cernimus  parentibus  suis  morigerum?  Est  igitur  in  Pauli  doctrina  synecdoche:  sed  nominatur  praecipua  pars,  et  quae  reliquas  omnes  secum  trahit.  In  Domino.  Praeter  naturae  legem,  quae  recepta  est  inter  omnes  gentes,  Dei  quoque  autoritate  sancitam  docet  filiorum  obedientiam.  Inde  tamen  sequitur,  eatenus  obediendum  esse  parentibus,  ne  laedatur  erga  Deum  pietas,  quae  primum  gradum  obtinet.  Nam  si  ad  Dei  institutum  tanquam  ad  suam  regulam  exigenda  est  filiorum  subiectio:  praeposterum  foret,  per  eam  ab  ipso  Deo  abduci.  Hoc  enim  est  iustum.  Hoc  additum  est  cohibendae  illius  ferociae  causa,  quam  omnibus  fere  a  natura  insitam  diximus.  Iustum  autem  probat,  quia  Dominus  ita  praecepit.  Neque  enim  disputare  fas  est,  aut  in  controversiam  revocare  quale  sit  quod  statuit  is,  cuius  voluntas  certissima  est  regula  iustitiae  et  rectitudinis.  Porro  quia  ex  honore  obedientiam  elicit,  mirum  non  est.  Nam  Deus  caeremonias  non  moratur.  Itaque  sub  voce  honoris  complectitur  omnia  officia,  quibus  serio  suam  erga  parentes  observantiam  et  pietatem  testantur  filii.1)  2.  Quod  est  mandatum  primum.  Quae  praeceptis  annexae  sunt  promissiones,  ad  nos  alliciendos  spectant,  quo  libentius  pareamus.  Proinde  hoc  veluti  condimento  suavem  et  amabilem  reddit  Paulus  subiectionem,  quam  filiis  imponit.  Et  non  simpliciter  commemorat  mercedem  a  Deo  esse  propositam,  si  quis  patri  et  matri  obediat:  sed  huic  *)  Expositionem  praecepti,  quod  citat,  pete  ex  Institutione.