5:228  est,  non  esse  locum  poenitentiae.  Quod  si  quis  ipsorum  adhuc  obstrepit:  quid  perditionis  filiis  futurum  sit,  nihil  ad  nos.  Ego  pro  fidelibus  respondeo:  non  morientur,  sed  vivent,  ac  narrabunt  opera  Domini  (Psal.  118,  17).  Qui  habitant  in  domo  eius,  laudabunt  eum  in  saecula  saeculorum  (Psal.  84,  5).  Sextum:  Laudabo  Dominum  in  vita  mea,  psallam  Deo  meo,  quamdiu  sum  (Psal.  146,  2).  Et  in  hanc  formam  argutantur:  Si  laudabit  Dominum  in  vita,  et  quamdiu  erit,  non  laudabit  post  vitam,  et  quando  non  erit.  Quando  haec  per  lusum  iocumque  ab  illis  iactari  opinor,  ipse  quoque  in  eorum  gratiam  ludam.  Aeneas  Vergilianus,  quum  hospitae  suae  promittebat  animi  gratitudinem,  dum  memor  esset  sui,  an  innuebat,  aliquando  se  venturum  in  sui  ipsius  oblivionem?  Quum  dicebat:  [fol.  48]  Dum  spiritus  hos  reget  artus:  an  non  cogitabat,  et  apud  manes,  in  illis  fabulosis  campis,  se  gratiam  habiturum?  Absit,  illis  ut  concedamus  sic  torquere  hunc  locum,  ne  simul  et  haeretico  Helvidio  succumbamus.  Nunc  serio  loquar.  Et  ne  obtendant,  secum  non  paria  fecisse  me,  ')  quintuplum  reddam:  Deus  meus,  in  aeternum  confitebor  tibi  (Psal.  30,  13).  Item:  Benedicam  Dominum  in  omni  tempore,  semper  bona2)  eius  in  ore  meo  (Psal.  34,  2).  Item:  Confitebor  tibi  in  aeternum,  quia  fecisti  (Psal.  52,  11).  Item:  Laudabo  nomen  tuum  in  saeculum,  et  in  saeculum  saeculi  (Psal.  14  5,  1).  Item:  Sic  psalmum  dicam  nomini  tuo  in  saeculum,  et  in  saeculum  saeculi  (Psal.  61,  9).  Agnoscunt  illum  Davidem  nuper  sibi  amicum,  sese  tam  acriter  impetentem?  Apagesis  haec  argumenta,  quae  ex  atomis  literarum  conficiuntur.  Septimum:  Desine  a  me,  et  roborabor,  donec  vadam,  et  non  sim  (Psal.  39,  14).  Cui  coniungunt  illud  Iobi:  Dimitte  me,  ut  plangam  paululum  dolorem  meum,  antequam  vadam,  et  non  revertar,  ad  terram  tenebrosam  et  opertam  mortis  caligine,  terram  miseriae  et  tenebrarum,  ubi  umbra  mortis,  et  nullus  ordo,  sed  sempiternus  h?뭨ror  inhabitat  (Iob.  10,  20  ss.).  Haec  nihil  ad  causam.  Verba  enim  sunt  aestu  et  anxietate  conscientiae  plena,  vere  exprimentia,  et  quasi  in  tabula  referentia  affectum  eorum,  qui  terrore  iudicii  Dei  perculsi,  manum  Dei  iam  ferre  non  possunt.  Orant  autem,  ut  si  merentur  a  Deo  abiici,  saltem  vel  tantillum  respirare  liceat  ab  ira  Dei,  qua  concutiuntur,  idque  in  ultima  desperatione.  Nec  mirum  est,  sanctos  Dei  servos  illuc  adigi.  Dominus  enim  mortificat,  et  vivificat:  deducit  ad  inferos,  et  reducit  (1  Sam.  2,  t>).  Non  esse  autem,  pro  eo  dicitur,  quod  est  a  Deo  alienum  1)  me  deest  1542.  2)  Sic  1542  et  Gallus  (benefices),  Caeterae  inde  a  1545  ad  hebr.  fidem  scribunt:  laus.