49:228  causae  quam  tractat  confirmationem.  Quod  de  populi  conversione  dixit,  in  tam  obstinata  pervicacia  videri  poterat  incredibile.  Tollit  igitur  obstaculum  hoc,  commemorans  novum  foedus  gratuita  peccatorum  remissione  constare.  Nam  ex  prophetae  verbis  colligitur,  nihil  fore  Deo  amplius  negotii  cum  populo  apostata,  nisi  quatenus  tam  perfidiae  crimen  quam  alia  scelera  remittet.  28.  Secundum  evangelium  quidem  inimici  propter  vos  :  secundum  electionem  vero  dilecti  propter  patres.  29.  Sine  poenitentia  enim  sunt  dona  et  vocatio  Dei.  30.  Quemadmodum  enim  vos  quoque  increduli  fuistis  Deo,  nunc  autem  misericordiam  estis  consequuti  istorum  incredulitate:  31.  sic  et  ii  nunc  increduli  facti  sunt,  eo  quod  adepti  estis  misericordiam:  ut  ipsi  quoque  misericordiam  consequantur.  32.  Conclusit  enim  Deus  omnes  sub  incredulitate,  ut  omnium  misereatur.  28.  Secundum  evangelium.  Quod  in  Iudaeis  erat  deterrimum,  ostendit  non  eo  pertinere  ut  sint  propterea  gentibus  despicabiles.  Summum  in  illis  crimen  erat  incredulitas.  Paulus  autem  docet  ita  fuisse  ad  tempus  Dei  providentia  excaecatos,  ut  via  evangelio  ad  gentes  sterneretur:  caeterum  non  esse  in  perpetuum  a  Dei  gratia  exclusos.  Fatetur  erga,  in  praesentia  esse  alienatos  a  Deo,  evangelii  occasione,  ut  hac  ratione  ad  gentes  perveniret  quae  prius  apud  ipsos  deposita  fuerat  salus:  Deum  tamen  non  esse  immemorem  foederis,  quod  cum  patribus  eorum  pepigit  et  quo  testatus  est  se  aeterno  consilio1)  gentem  illam  dilectione  complexum  esse.  Atque  id  egregia  sententia  confirmat,  quod  haec  gratia  divinae  vocationis  irrita  esse  nequeat.  Hoc  enim  sibi  volunt  haec  verba:  Dona  et  vocatio  Dei  sine  poenitentia  sunt.  Dona  enim  et  vocationem  posuit  per  hypallagen  pro  beneficio  vocationis:  neque  etiam  de  qualibet  vocatione  intelligi  hoc  debet2),  sed  de  illa,  qua  posteros  Abrahae3)  in  foedus  adoptavit  Deus  :  quando  de  hac  specialiter  erat  instituta  disputatio.  Sicuti  nomine  electionis  paulo  ante  arcanum  Dei  consilium  notavit,  quo  Iudaei  olim  a  gentibus  discreti  fuerunt.  Tenendum  est  enim,  non  de  privata  cuiusque  electione  nunc  tractari,  sed  de  communi  adoptione  totius  gentis,  quae  externa  specie  collapsa  videri  potuit  ad  tempus,  sed  a,  radice  excisa  non  fuit.  Quia  exciderant  suo  iure  et  salute  sibi  promissa  Iudaei,  ut  spes  aliqua  de  reliquiis  maneat,  contendit  Paulus  firmum  et  immutabile  stare  Dei  consilium,  quo  semel  sibi  illos  in  gentem  peculiarem  eligere  dignatus  est.  Si  ergo  fieri  non  potest  ullo  modo  ut  Dominus  a  pacto  illo  discedat,  quod  cum  Abrahamo  sancivit  :  Ero  seminis  *)  secundum  aeternam  electionem  2)  intellexit  3)  gentem  aliquam