29:228  sa  parolle:  voila  pourquoy  aussi  il  retire  sa  grace  de  nous.  Mais  quand  nous  aurons  ce  zele-la,  que  son  Eglise  soit  gouvernee  selon  la  parolle  de  sa  doctrine,  et  que  nous  y  mettions  peine,  et  qu'en  eslisant  gens  pour  la  conduite  du  peuple,  nous  y  procederons  en  telle  sobriete  comme  i'ay  dit:  il  est  certain  que  Dieu  de  son  coste  besongnera:  car  sa  main  n'est  pas  amoindrie,  que  ce  qui  nous  est  ici  declare,  nous  le  sentirons  aussi  bien  par  eflect  entre  nous.  Or  il  est  dit  en  la  fin  :  Que  les  enfans  d'Israel  ont  obei  a  Iosue,  et  qu'ils  ont  fait  selon  ce  que  Dieu  avoit  commande  par  Moyse.  Ici  en  premier  lieu  nous  voyons  qu'entre  les  dons  du  sainct  Esprit  il  y  a  l'authorite,  comme  aussi  l'Escriture  saincte  en  fait  mention  en  d'autres  passages.  Prenons  le  cas  qu'un  homme  fust  le  plus  idoine,  qu'il  fust  propre  pour  gouverner:  si  est-ce  qu'il  ne  sera  point  authorise,  et  n'aura  nulle  reputation,  sinon  que  Dieu  l'authorise,  et  qu'il  luy  donne  comme  une  marque,  afin  qu'il  soit  redoute,  qu'on  se  tienne  a  luy,  et  qu'on  recoyve  la  doctrine  qu'il  porte.  Voila  donc  un  don  special  de  Dieu:  comme  nous  voyons  a  l'opposite  que  les  hommes  sont  mesprisez  et  contemptibles,  sinon  que  nostre  Seigneur  les  advoue  ainsi,  et  qu'il  face  qu'on  les  recoy  ve,  et  qu'ils  soyent  pour  exercer  leur  charge,  et  pour  s'en  acquitter.  Voila  pourquoy  notamment  il  est  ici  adiouste:  Que  les  enfans  d'Israel  ont  obei  a  Iosue.  Il  n'est  pas  dit  seulement  qu'il  a  receu  les  dons  qui  estoyent  necessaires  a  son  office,  mais  quant  et  quant  Dieu  luy  a  ceint  l'espee:  comme  il  est  dit  en  Iob,  que  s'il  veut  qu'un  homme  soit  honore,  c'est  comme  s'il  luy  bailloit  l'espee.  Et  au  contraire  quand  il  veut  qu'un  homme  soit  mesprise,  c'est  comme  s'il  luy  ostoit  la  ceinture.  Dieu  donc  a  ainsi  colloque  Iosue  en  honneur,  et  a  fallu  que  le  peuple  luy  obeist.  Or  nous  savons  l'orgueil  qui  est  en  tous  hommes,  nous  savons  comme  ce  peuple-la  estoit  mutin  sur  tous:  il  a  bien  donc  fallu  que  Dieu  les  tinst  en  bride,  afin  que  Iosue  dominast  sur  eux,  non  point  en  tyrannie,  mais  pour  s'acquitter  de  son  office.  Yoila  en  somme  ce  que  nous  avons  a  retenir.  Or  par  cela  les  Magistrats  sont  admonnestez  de  prier  Dieu,  quand  il  leur  aura  donne  courage  et  vertu  de  faire  ce  qu'il  leur  commande,  qu'aussi  il  ne  permette  point  qu'ils  soyent  empeschez  par  les  pollutions  du  peuple:  que  s'il  y  en  a  de  rebelles,  qu'il  les  vueille  reprimer.  Car  il  est  certain  que  les  mousches  mesmes  s'esleveront,  si  ce  n'est  que  nostre  Seigneur  donne  authorite  aux  hommes.  Que  les  Magistrats  donc  cheminent  en  crainte  et  en  solicitude,  et  qu'ils  sachent  que  iamais  ne  seront  maintenus  en  leur  degre,  si  ce  n'est  que  Dieu  leur  imprime  sa  marque,  et  qu'ils  soyent  redoutez  a  cause  de  luy.  Que  les  ministres  de  la  parolle  aussi  prient  Dieu,  afin  que  la  doctrine  soit  bien