15:228  tiser  sans  nulle  superstition.  Or  il  a  pleu  a  Dieu  de  vous  priver  de  ce  bien.  Il  scait  pourquoy.  Tant  y  a  quil  vous  a  voulu  humilier  en  cest  endroict:  mais  ce  nest  pas  a  dire  pourtant  que  le  faict  soit  a  condamner,  veu  que  vostre  intention  estoit  saincte  et  louable.  Si  quelcun  g  replique  que  vostre  enfant  a  este  prive  du  Baptesme  qui  est  le  signe  de  salut,  ie  respons  que  sa  condition  nest  point  pire  pour  cela  devant  Dieu.  Car  combien  que  le  Baptesme  selle  nostre  adoption,  toutesfois  nous  sommes  enrollez  au  Registre  de  vie  tant  par  la  bonte  gratuite  de  nostre  Dieu,  que  par  sa  promesse.  Quainsi  soit,  en  vertu  de  quoy  noz  enfans  sont  ilz  saulvez,  sinon  pource  quil  est  dict:  Ie  suis  le  Dieu  de  ta  lignee?  Mesmes  sans  cela  ilz  ne  seroient  point  capables  destre  baptisez.  Si  leur  salut  est  asseure  par  la  promesse,  et  que  le  fondement  soit  assez  ferme  de  soy,  il  ne  fault  pas  estimer  que  tous  les  enfans  qui  meurent  sans  baptesme  perissent.  Car  en  voulant  honorer  le  signe  visible,  on  feroit  grand  iniure  et  deshonneur  a  Dieu,  desroguant  a  sa  verite,  comme  si  nostre  salut  nestoit  pas  bien  appuye  sur  sa  simple  promesse.  Puis  doncq  quil  ny  a  eu  de  vostre  coste"  nul  mespris  du  Sacrement,  cela  nemporte  nul  preiudice  au  salut  de  vostre  enfant,  quil  soit  decede  devant  que  vous  eussiez  loisir  et  moien  de  le  faire  baptiser.  Ainsi  il  ny  a  nulle  cause  de  scandale  a  ceux  qui  ne  se  vouldront  point  fascher  sans  propoz.  Ce  que  vous  pourrez  remonstrer  a  tous  fideles,  affin  quilz  en  soient  appaisez.  Surquoy  ie  feray  fin,  apres  mestre  affectueusement  recommande  a  vous  et  a  vostre  bonne  partie,  et  aux  prieres  de  tous  deux,  comme  aussi  de  ma  part,  ie  prie  nostre  bon  Dieu  vous  avoir  en  sa  saincte  garde,  vous  fortifier  par  son  sainct  Esprit,  et  vous  avancer  de  plus  en  plus  en  tout  bien.  Ce  6  de  septembre  1554.  Vostre  humble  frere  Iehan  Calvin.  3008  TREMELLIUS  CALVINO.  Eelicta  Berna  Lausannam  concessit  ubi  locum  sibi  fratres  obtinendum  curant.  Commendat  uxorem  Genevam  proficiscentem.  (Ex  apographo  Cod.  Lugduno-BataYI  Perizon.  5,  fol.  2.)