9:227  227  ULTIMA  ADMONITIO  228  demum  reverentia  est,  non  temere  vel  inconsiderate  arripere  quidquid  dicunt,  ut  singulis  vocibus  et  syllabis  eos  velimus  obstringere,  sed  attentius  expendere  eorum  mentem,  ut  verbis  commode  expositis,  sine  controversia  amplectamur  genuinum  sensum.  Quare  nimis  proterve  mentiuntur  Magdeburgenses,  nos  a  Christo  et  apostolis  provocare  ad  tertios  iudices.  Itaque  nihil  mirum  si  sua  scurrilitate  ebrii  probro  se  exponant,  quum  dicunt  se  nobiscum  venturos  [pag.  255]  ad  tertium  miliare.  Ergone  gratificandi  nobis  causa  hanc  Christo  iniuriam  facient,  ut  relicto  eius  tribunali  supremum  iudicium  consentiant  deferri  mortalibus?  Praefantur  se  stare  duobus  prioribus  iudiciis,  neque  cessuros  unquam,  vel  si  angeli  coelestes  contrarium  adferrent.  Non  debuerunt  tamen,  si  videbant  tribunal  erigi  hominibus  ad  labefactandam  Christi  sententiam,  pedem  unum  progredi.  Ego  vero  sacrilegum  quod  offerunt  obsequium  libenter  ipsis  remitto:  quia  centum  mortibus  potius  sancienda  est  nobis  Christi  autoritas,  quam  ut  ullis  hominum  iudiciis  cedat.  Nec  vero  hoc  agitur,  dum  patribus  tribuitur  interpretum  nomen.  Nam  si  hoc  officio  fungi,  supra  Christum  iudicare  illis  est,  maledicta  sint  illorum  scripta,  quae  summo  filii  Dei  imperio  derogant.  Diffidere  interea  se  negant  patrum  suffragiis,  et  tamen  phrasim  qua  utuntur  patrem,  concordare  negant  verbis  Christi  |pag.  256].  Bene  autem  et  provide,  quod  iudicium  deferunt  quadrimis  pueris.  Nam  si  septennes  advocassent,  facile  perspecta  ab  ipsis  fuisset  nugatoria  ista  levitas.  In  hoc  verborum  tinnitu  neutra  pars  hic  diverticula  quaerat,  sed  deponat  et  conferat  verba  Christi  et  apostolorum  ex  una,  patrum  verba  ex  altera  parte,  hoc  modo  :  Christus  dicit  ;  hoc  est  corpus  meum,  et  idem  referunt  apostoli:  patres  affirmant  panem  esse  corpus.  Divina  puer  quadrime,  an  procul  inter  se  hae  loquutiones  distent?  Rursus  confer:  Christus  dicit:  Hoc  est  corpus  meum:  patres  affirmant  panem  esse  symbolum,  signum  et  figuram  corporis.  Iterum  puer  quadrime  iudica,  an  hae  phrases  quadrent.  Certe  si  seria  in  eorum  animis  vigeret  religio,  vix  ad  pueriles  istas  ineptias  delapsi  essent.  Patres  interdum  in  hoc  mysterio  modum  loquendi  retinent  a  Christo  acceptum,  sicuti  ubi  asserenda  est  doctrinae  maiestas,  citamus  ad  verbum  scripturae  [pag.  257]  testimonia,  quia  tamen  obscura  posset  esse  brevitas,  quoties  ita  postulat  occasio,  non  omittunt  partes  interpretum.  Hinc  plenior  illa  et  magis  enucleata  loquutio:  quia  panis  sacramentum  est  corporis,  quodammodo  esse  corpus.  Quid  senserint  si  ambigitur,  ex  concisane  recitatione,  an  ex  addita  luce  interpretationis  iudicium  fieri  conveniet?  Qua  fronte  igitur  Magdeburgenses  verbi  unius  praetextu  dilucidum  sermonem  et  didacticam  paraphrasim  obscurant?  Tricesimum  octavum  argumentum  ex  Augustino