55:227  227  EPIST.  PETRI  I  228  corripi.  Quod  si  appropinquamus,  iustitia  eius  instar  ignis  est  qui  nos  penitus  consumat.  Hinc  apparet,  non  posse  nos  Deo  credere,  nisi  per  Christum,  in  quo  se  Deus  quodammodo  parvum  facit,  ut  se  ad  captum  nostrum  submittat:  et  qui  solus  tranquillas  reddit  conscientias,  ut  familiariter  ad  Deum  accedere  audeant.  21.  Qui  eum  suscitavit.  Addit,  Christum  fuisse  excitatum  a  mortuis,  ut  firmam  haberent  fulturam  fides  et  spes  nostra,  qua  niterentur.  Quo  rursus  commentum  de  universali  et  confusa  in  Deum  fide  refellitur.  Nam  ut  nulla  sit  Christi  resurrectio:  Deus  nihilominus  in  coelo  manet.  Atqui  Petrus  negat  in  eum  credi  posse,  nisi  Christus  resurrexit.  Constat  ergo,  fidem  aliud  quam  nudam  Dei  maiestatem  intueri.  Et  merito  ita  Petrus  loquitur:  fidei  enim  est  in  coelos  penetrare,  ut  illic  Patrem  inveniat.  Quomodo  id  poterit,  nisi  Christum  habeat  ducem?  Per  ipsum  (inquit  Paulus)  habemus  adeundi  fiduciam,  Eph.  3,  12.  Item  Hebr.  4,  16:  Freti  nostro  Pontifice,  accedere  possumus  ad  thronum  gratiae  cum  fiducia.  Spes  est  ancora  animae,  quae  ad  interius  sanctuarii  adytum  intrat:  sed  non  nisi  praeeunte  Christo,  Hebr.  6,  19.  Fides  victoria  est  nostra  adversus  mundum,  1.  Iohan.  5,  4.  Quid  autem  ita  eam  reddit  victricem,  nisi  quod  Christus,  coeli  et  terrae  Dominus,  nos  in  fide  tutelaque  sua  habet?  Quoniam  ergo  in  Christi  resurrectione  et  summo  imperio  sita  est  nobis  salus,  illic  fides  et  spes  inveniunt  quo  se  fulciant.  Nisi  enim  resurgendo,  de  morte  triumphasset,  ac  nunc  summum  principatum  teneret  ad  nos  sua  virtute  protegendos,  quid  nobis  fieret  in  tanta  hostium  potentia,  et  inter  tam  violentos  insultus?  Discamus  itaque  in  quem  scopum  collimare  nos  oporteat,  ut  vere  fidamus  Deo.  22.  Purificantes  animas  vestras*  Erasmus  male  vertit,  Qui  purificastis.  Non  enim  praedicat  apostolus  quales  sint,  sed  quales  debeant  esse,  admonet.  Est  quidem  participium  praeteriti  temporis:  sed  quod  in  gerundium  resolvi  potest,  animas  purificando,  ete.  Sensus  autem  est,  non  fore  capaces  gratiae  animas  nostras,  donec  purgatae  fuerint,  quo  immundities  nostra  arguitur.  Sed  ne  vim  purificandi  animas  videatur  nobis  adscribere  :  mox  correctionem  addit,  per  spiritum,  ao  si  diceret:  Purgandae  sunt  animae:  sed  quia  id  non  potestis,  offerte  eas  Deo,  ut  per  spiritum  suum  tollat  earum  immunditiem.  Animas  tantum  nominat:  quamquam  a  carnis  etiam  inquinamentis  nos  mundari  oportet:  quemadmodum  iubet  Paulus  2.  Corinth.  7,  1,  sed  quia  praecipua  est  interior  mundities,  et  externam  secum  necessario  trahit,  eius  tantum  mentionem  facere  satis  habuit  Petrus:  ac  si  dixisset,  non  externas  modo  actiones  corrigi  oportere,  sed  corda  ipsa  penitus  reformari.  Modum  postea  designat:  nam  in  eo  sita  est  animae  puritas,  si  nos  Deo  in  obe-