52:227  227  SERMON  228  adherez  a  l'Evangile,  aussi  Dieu,  en  maintenant  sa  cause,  se  monstrera  vostre  protecteur.  Cependant  S.  Paul  nous  donne  yci  d'autres  advertissemens  qui  nous  sont  bien  utiles.  Car  quand  il  parle  de  la  vengence  qui  est  apprestee  sur  nos  ennemis,  il  dit  que  Iesus  Christ  viendra^  voire  avec  ies  Anges  de  sa  puissance  et  en  flamme  de  feu.  Et  a  quel  propos?  C'est  pour  confermer  ce  qu'il  adiouste:  C'est  ascavoir  que  les  ennemis  de  sa  verite  soustiendront  leur  punition  devant  Dieu  et  devant  la  face  de  sa  maieste.  Comme  s'il  disoit  que  nous  ne  pouvons  iamais  comprendre  quel  sera  le  torment  des  incredules,  comme  aussi  nous  ne  voyons  pas  la  gloire  de  Dieu.  Car  nous  scavons  que  c'est  une  chose  infinie,  quand  on  nous  parle  de  la  gloire  de  Dieu:  nous  ne  la  pouvons  pas  mesurer,  mais  il  faut  que  nous  soyons  ravis  en  estonnement.  Autant  en  est-il  de  l'horrible  vengence  qui  est  appareillee  sur  tous  incredules:  veu  qu'il  faut  que  Dieu  desploye  sa  vertu  contre  eux.  Car  puis  que  sa  maieste  est  inestimable,  il  faut  aussi  que  leur  torment  soit  incomprehensible  quant  a  nous.  Voyla  pour  un  item.  Au  reste,  quand  S.  Paul  parle  des  infideles,  et  des  ennemis  de  Dieu,  il  dit  qu'&  ne  Vont  point  cognu,  et  qu'ils  n'ont  point  obey  a  l'Evangile,  ou  qu'ils  ont  este  rebelles  :  c'est  une  maniere  de  parler  qui  emporte  une  doctrine  bien  utile.  Car  quand  on  demande  aux  hommes,  les  plus  meschans  qui  soyent,  s'ils  veulent  faire  la  guerre  a  Dieu,  ils  diront  que  non:  mais  cependant  ils  font  tout  le  contraire  de  ce  qu'ils  protestent,  veu  qu'ils  ne  se  veulent  pas  plenement  assuiettir  a  l'Evangile.  Et  comment  cela?  Il  est  dit  que  nous  ne  pouvons  obeir  a  Dieu  sinon  par  la  foy  :  voyla  ainsi  que  S.  Paul  en  parle,  tant  en  l'Epistre  aux  Romains  qu'au  livre  des  Actes.  Puisqu'ainsi  est  que  la  foy  est  une  droite  obeissance  et  telle  que  Dieu  la  requiert  et  approuve,  il  s'ensuit  que  tous  ceux  qui  ne  veulent  croire  a  l'Evangile  luy  sont  rebelles,  et  s'eslevent  contre  luy  tant  qu'ils  peuvent.  S'ils  protestent  que  ce  n'est  pas  leur  intention,  c'est  tout  un,  car  la  chose  est  telle  neantmoins.  Par  cela  nous  sommes  enseignez  que  nous  ne  pouvons  faire  service  agreable  a  Dieu,  qu'en  premier  lieu  nous  ne  croyons  a  l'Evangile,  et  acceptions  tout  ce  qui  est  la  contenu  pour  nous  y  humilier.  Brief,  la  foy  est  le  principal  service  que  Dieu  demande  des  hommes.  Il  est  vray  que  cependant  il  nous  faut  noter  que  la  foy  n'est  pas  une  simple  creance  pour  accorder  a  ce  qui  nous  sera  enseigne,  mais  qu'il  faut  que  nous  y  apportions  le  coeur  et  l'affection  quant  et  quant:  que  non  seulement  de  bouche  ou  de  fantasie  nous  acceptions  ce  qui  nous  sera  dit,  mais  que  cela  nous  soit  imprime  au  coeur,  et  que  nous  cognoissions  qu'il  ne  nous  est  pas  licite  de  nous  rebecquer  a  l'encontre