51:227  227  EPIST.  PAULI  AD  EPHESIOS  228  homines  macerabunt,  si  carnis  suae  sensu  comprehendere  modum  et  rationem  studeant.  Hic  enim  Deus  immensam  spiritus  sui  potentiam  exserit.  Quare  praeposteri  sunt,  qui  nihilo  pius  in  hac  re  concedunt  quam  ingenii  sui  modulo  consequuti  fuerint.  Quum  nobis  in  sacra  coena  carnem  et  sanguinem  Christi  exhiberi  negant,  modum,  inquiunt,  definias;  aut  non  persuadebis.  Atqui  ego  mysterii  altitudine  in  stuporem  abripior.  Neque  vero  me  pudet,  admiratione  meam  ignorantiam  cum  Paulo  fateri.  Quanto  enim  id  satius  quam  extenuare  carnis  meae  sensu  quod  Paulus  altum  mysterium  esse  pronuntiat?  Idque  docet  ipsa  ratio.  Quidquid  enim  supernaturale  est,  id  profecto  captum  ingenii  nostri  superat.  Proinde  magis  laborandum  ut  Christum  sentiamus  potius  in  nobis  viventem,  quam  ut  communicationis  ratio  nobis  pateat.  Caeterum  admirabile  papistarum  acumen,  qui  ex  verbo  mysterii  unum  ex  septem  sacramentis  matrimonium  esse  colligunt:  perinde  ac  si  ex  aqua  vinum  elicerent.  Septem  numerant  sacramenta,  quum  duo  Christus  omnino  instituerit.  Ut  matrimonium  ex  illis  unum  esse  probent,  adducunt  praesentem  locum.  Quo  praetextu?  quia  vetus  interpres  transtulit  sacramentum,  ubi  apostolus  nomen  mysterii  posuerat.  Quasi  vero  non  satis  vulgaris  sit  usus  huius  vocabuli  apud  latinos  scriptores,  quum  mysterium  volunt  dicere.  Quasi  etiam  non  usus  fuerit  Paulus  in  hac  eadem  epistola,  de  gentium  vocatione  loquens.  Sed  nunc  quaeritur  an  matrimonium  sit  solenne  gratiae  Dei  symbolum,  quod  institutum  sit  in  eum  finem  ut  spirituale  aliquid  nobis  testetur  ac  repraesentet:  ut  baptismus,  ut  coena  Domini.  Nulla  est  ratio  cur  id  asserant,  nisi  quia  decepti  sunt  ambigua  significatione  nominis,  vel  potius  linguae  graecae  ignorantia.  Nam  si  quis  admonuisset,  nomen  mysterii  ab  apostolo  fuisse  positum:  nullus  unquam  error  exstitisset.  Videmus  itaque  quo  malleo  et  super  quam  incudem  hoc  sacramentum  fabricaverint.  Quamquam  io  eo  quoque  suam  socordiam  prodiderunt,  quod  non  expenderunt  correctionem  mox  additam,  ego  autem  d  i  c  o  in  C  h  r  i  s  t  o  et  e  c  c  l  e  s  i  a  .  Nominatim  enim  cavere  voluit,  ne  quis  de  coniugio  intelligeret.  Adeoque  apertius  loquutus  est  quam  si  absque  exceptione  sententiam  hanc  protulisset.  Magnum  mysterium,  quod  vitam  suam  Christus  virtutemque  ecclesiae  inspirat.  Quis  autem  inde  sacramentum  excuderet?  Videmus  ergo  quam  crassae  ignorantiae  fuerit  ista  hallucinatio.  33.  Vos  quoque  singuli.  Quia  paululum  digressus  fuerat  a  proposito,  tametsi  ipsa  quoque  digressio  causae  serviebat:  ut  tamen  fieri  solet  in  brevibus  praeceptis,  colligit  in  summam  quod  ab  ipsis  obtinere  cupit:  ut  viri  diligant  uxores,  ut  mulieres  timeant  maritos  :  t  i  m  o  r  i  s  nomine  reve-