50:227  227  EPIST.  PAULI  AD  GALATAS  228  ante  fuisse  oportet.  Unde  probatur  aeterna  eius  divinitas.  Christus  ergo,  filius  Dei  est,  e  coelo  missus.  Eundem  dicit  factum  ex  muliere:  quia  naturam  nostram  induit.  Ita  significat  constare  ipsum  duabus  naturis.  Aliqui  codices  legunt  natum:  sed  altera  lectio  magis  recepta,  et,  meo  iudicio,  convenientior.  Nominatim  siquidem  discernere  Christum  a  reliquis  voluit  hominibus:  quia  ex  semine  matris  creatus  sit,  non  viri  et  mulieris  coitu.  Alioqui  frigidum  esset  istud  et  abs  re  positum.  Mulieris  nomen  hic  generaliter  ad  sexum  refertur.  Bedactum  sub  legem.  Ad  verbum  est,  factum  sub  lege.  Sed  ego  sensum  exprimere  familiarius  volui.  Christus  ergo  filius  Dei,  qui  immunis  iure  fuisset  ab  omni  subiectione,  legi  fuit  subiectus.  Cur?  Nostro  nomine,  ut  libertatem  nobis  acquireret.  Quemadmodum  enim  qui  liber  erat,  captivum,  se  vadem  constituendo,  redimit:  et  induendo  vincula,  alteri  exuit:  ita  Christus  legi  servandae  obnoxius  esse  voluit,  ut  nobis  immunitatem  acquireret.  Alioqui  frustra  iugum  legis  subiisset.  Nam  sua  certe  causa  non  fecit.  Porro  non  ita  exempti  a  lege  sumus  Christi  beneficio,  ut  nullam  amplius  obedientiam  debeamus  legis  doctrinae,  sed  liceat  quod  libuerit.  Regula  enim  bene  et  sancte  vivendi  perpetua  est.  Sed  Paulus  de  lege  loquitur  cum  suis  appendicibus.  Ab  eius  legis  subiectione  redempti  sumus,  quia  non  est  amplius  quod  erat.  Rupto  enim  velo  palam  apparuit  libertas.  Atque  id  est,  quod  continuo  subiicit.  5.  Ut  adoptionem  reciperemus.  Nam  et  de  adoptione  sua  sub  vetere  testamento  certi  erant  patres:  sed  nondum  iure  suo  ita  plene  fruebantur.  Hic  ergo  adoptio  capitur,  sicuti  ad  Romanos  cap.  8,  23  redemptio,  pro  ipsa  possessione.  Nam  sicuti  ultimo  die  percipiemus  redemptionis  nostrae  fructum,  ita  nunc  percipimus  fructum  adoptionis,  cuius  sancti  patres  ante  Christi  adventum  compotes  non  fuerunt.  Ergo  qui  ecclesiam  nunc  onerant  immodicis  caeremoniis,  debito  adoptionis  iure  illam  inique  fraudant.  6.  Quoniam  autem  estis  filii,  misit  Deus  spiritum  filii  sui  in  corda  vestra,  clamantem:  Abba,  pater.  7.  Itaque  non  amplius  est  servus,  sed  filius.  Si  autem  filius,  etiam  haeres  Dei  per  Christum.  8.  At  tunc  quum  nondum  cognoveratis  Deum,  serviebatis  iis,  qui  natura  non  sunt  dii.  9.  Nunc  autem  postquam  cognovistis  Deum,  vel  potius  cogniti  fuistis  a  Deo:  quomodo  convertimini  rursus  ad  infirma  et  egena  elementa,  quibus  rursus  de  integro  servire  vultis?  10.  Dies  observatis,  et  menses,  et  tempora,  et  annos.  11.  Timeo  de  vobis,  ne  forte  in  vobis  frustra  laboraverim.  6.  Quoniam  autem  filii,  ete.  Adoptionem  cuius  meminerat,  ad  Galatas  pertinere  ostendit  argumento  a  consequenti.  Prius  enim  est  adoptatum