5:227  PSYCHOPANNYCHIA.  dum,  si  populum  suum  libidini  ac  ferociae  impiorum  tradidisset.  Hanc  sententiam  plaue  confirmat  oratio,  quae  est  in  prophetia  1)  Baruch:  Aperi  oculos  tuos,  et  vide:  quia  non  mortui  qui  sunt  in  inferno,  quorum  spiritus  acceptus  est  a  visceribus  suis,  dabunt  gloriam  et  iustitiam  Deo:  sed  anima,  quae  tristis  super  magnitudine  mali,  incedit  curva  et  infirma,  et  deficientes  oculi,  et  anima  esuriens,  [fol.  47]  dabit  gloriam  (Baruch  2,  17  ss.).  Ubi,  citra  dubium,  videre  est,  mortuorum  nomine  contineri,  qui  afflicti  et  contriti  a  Deo  in  exitium  abierunt:  animam  tristem,  incurvam  et  infirmam,  quae  sua  virtute  defecta  et  sui  fiducia  non  innixa  currit  ad  Dominum,  eum  invocat,  ab  eo  auxilium  exspectat.  Haec  omnia  si  quis  velit  per  prosopographiam  accipere,  facilem  habebit  methodum,  ad  eorum  explicationem:  ut  in  personis,  rem  ipsam  accipiat;  et  dum  mortuos  audit,  mortem  intelligat,  hoc  sensu:  Dominum  misericordiae  et  bonitatis  laudem  non  consequi,  dum  affligit,  perdit  ac  punit:  (tametsi  iustae  sunt  poenae),  sed  tum  demum  creare  sibi  populum,  qui  laudem  suae  bonitatis  concinat  et  celebret,  dum  afflictos,  contritos  et  desperatos,  liberat  ac  in  spem  erigit.  Sed  ne  cavillentur,  nos  ad  figuras  et  obliqua  schemata  confugere,  citra  figuram  quoque  accipi  possunt.  Secundo  loco  dixi,  perverse  ex  his  locis  statui,  sanctos  post  mortem  cessare  ac  desinere  a  laudibus  Dei,  sed  laudare  potius  esse  commemorare  ac  praedicare  apud  alios  Dei  beneficia  in  quibus  laudetur:  quem  sensum  non  modo  recipiunt  verba,  sed  necessario  exigunt.  Nam  annunciare,  et  narrare,  et  patrem  notum  facere  filiis,  non  est  animo  menteque  concipere  Dei  gloriam,  sed  ore  celebrare,  ut  alii  audiant.  Hic  si  me  interpellent,  quod  illis  id  ipsum  agere  liceat,  si  (ut  credimus)  in  paradiso  sunt  cum  Deo,  respondeo:  in  paradiso  esse,  et  cum  Deo  vivere,  non  est  alterum  alteri  loqui,  et  alterum  ab  altero  audiri:  sed  tantum  Deo  frui,  sentire  bonam  eius  voluntatem,  in  eo  acquiescere.  Si  hoc  illis  Morpheus  aliquis  xca3  ovaq  revelavit,  habeant  sibi  certum.  Ipse  mihi  non  adsciscam  tortuosas  illas  quaestiones,  quae  ad  contentionem  valent,  nihil  ad  pietatem  conferunt.  Ecclesiasticus  non  hoc  agit,  ut  ostendat  mortuorum  animas  perire:  sed  dum  hortatur,  ut  mature  et  per  occasionem  Deo  confiteamur,  simul  docet,  non  esse  confitendi  tempus  post  mortem:  hoc  1)  Sic  legitur  in  ed.  1542.  Gallus  quoque  habet:  Ceste  sentence  est  pleinement  confermee  par  Foraison  qui  est  au  livre  du  Prophete  Baruch:  O  Seigneur,  ouvre  etc.  Verum  iam  1545  scriptum  est:  in  libro  Baruch  (saltem  qui  eius  nomine  inscribitur):  Aperi  etc.