49:227  227  EPIST.  PAULI  AD  ROMANOS  228  eius  gratia  suisse  privatos  :  plus  exprimunt  prophetae  verba,  nempe  aliquem  fore  residuum  numerum,  qui  postquam  resipuerit,  liberationis  gratia  fruetur.  Neque  tamen  citat  Paulus  ad  verbum,  quod  apud  Iesaiam  legitur:  Veniet,  inquit,  redemptor  Sioni,  et  qui  resipuerint  ab  iniquitate  in  Iacob,  dicit  Dominus.  Nec  vero  nos  hac  in  re  plus  aequo  anxios  esse  convenit  Hoc  enim  spectandum  est,  quam  apposite  ad  suum  institutum  accommodent  apostoli  quascunque  ex  veteri  testamento  probationes  adducunt  :  quandoquidem  neque  aliud  voluerunt  ipsi  quam  digito  indicare  locos,  ut  lectores  ad  fontem  ipsum  dirigerent.  Porro  in  hoc  vaticinio  tametsi  liberatio  spirituali  Dei  populo  promittitur,  quoniam  autem  Iudaeos  quoque  obiter  docere  voluit  quid  a  suo  Messiah  debeant  exspectare,  et  iam  unum  eius  officium  ex  verbis  Iesaiae  posuisset,  de  iniquitate  destruenda:  adiecit  pauca  verba,  quae  videtur  ex  Ieremia  sumpsisse,  de  remissione  peccatorum.  Nam  istis  duobus  membris  Christi  regnum  continetur.  Venit  enim  ut  gratuita  peccatorum  remissione  nos  patri  reconciliaret  ac  per  spiritum  suum  in  vitae  novitatem  regeneraret*).  Sub  quo  continentur  et  gentes:  quia  tamen  primogeniti  sunt  Iudaei,  quod  propheta  denuntiat*),  in  ipsis  vel  potissimum  compleri  oportuit.  Nam  et  quod  universum  Dei  populum  scriptura  Israelitas  nominat,  id  tribuitur9)  eius  gentis  excellentiae,  quam  Deus  aliis  omnibus  praetulit*).  Deinde  nominatim  Sioni  venturum  dicit  qui  redimet,  antiqui  foederis  intuitu.  Addit  etiam  redemptum  iri  in  Iacob  qui  a  transgressione  sua  resipuerint:  quibus  verbis  diserte  sibi  vendicat  Deus  aliquod  semen,  ut  redemptio  in  electa  et  peculiari  gente  sit  efficax.  Quamquam  autem  aptius  ad  propositum  quadrabat  loquutio,  qua  utitur  propheta,  veniet  Sioni,  Paulo  tamen  religio  non  fuit  translationem  vulgo  receptam  sequi,  ubi  dicitur  redemptor  proditurus  e  monte  Sion.  Eadem  est  etiam  ratio  secundae  partis:  avertet  iniquitates  a  Iacob.  Huc  enim  tantum  respicere  satis  habuit  Paulus,  quia  Christi  proprium  munus  est  reconciliare  Deo  populum  apostatam  et  foedifragum,  certo  sperandam  esse  aliquam  conversionem,  ne  omnes  simul  intereant.  27,  Hoc  illis  a  me  testamentum.  Quamquam  in  proximo  Iesaiae  vaticinio  breviter  attigerat  Paulus  Messiae  officium,  ut  Iudaeos  moneret  quid  maxime  ab  eo  sperandum  foret,  consulto  in  eundem  finem  haec  pauca  verba  ex  Ieremia  adiecit.  Neque  enim  legitur  in  priore  loco  quod  accedat.  Pertinet  hoc  etiam  ad  *)  Verba  illa:  quoniam  autem  .  .  .  .  regeneraret,  iam  in  editione  a.  1556,  cuius  duo  exemplaria  possidemus,  charta  superinducta  occultata,  aut  atramento  et  aqua  deleta  sunt.  Scilicet  Calvinus  ipse  ea  expurgasse  videtur,  quum  olim  in  edit.  a.  1551  non  vero  alibi  occurrerent  in  fine  paragraphi.  2)  prophetiam  istam  3)  fit  propter  specialem  .  .  .  .  in  ecclesia  exc.  4)  Iure  igitur  ex  hoc  testimonio  colligit  Paulus  virtutem  redemptionis  Christi  efficaciter  apud  eos  esse  exserendam.  Quoniam  autem  ete.  Vide  supra.