29:227  227  SERMON  CC.  228  esblouir  les  yeux.  Et  pourquoy?  Car  si  on  demande  d'ou  cela  est  procede,  on  trouvera  que  les  hommes  l'ont  forge,  et  qu'il  n'y  a  nulle  approbation  de  Dieu,  mesmes  nous  voyons  qu'ils  ont  contamine  le  Baptesme.  Il  est  vray  qu'ils  n'ont  pas  peu  l'aneantir  du  tout,  qu'en  despit  de  leurs  dents  et  de  Satan  qui  les  a  solicitez,  et  mesmes  encores  auiourd'huy  regne  sur  eux,  nostre  Seigneur  Iesus  Christ  a  voulu  que  son  Baptesme  demeurast  en  son  Eglise:  mais  cependant  si  voit-on  qu'il  est  infecte  de  beaucoup  de  souilleures  entre  les  Papistes,  tellement  que  le  Baptesme  n'est  quasi  rien  au  prix  du  reste.  Car  ils  n'estimeront  gueres  qu'un  enfant  soit  baptize  d'eau:  mais  il  faut  que  Peau  auparavant  soit  charmee,  et  qu'on  ait  fait  les  coniurations  dessus:  et  puis  il  y  a  les  autres  inventions  et  meslinges,  comme  le  crachat,  le  sel,  le  luminaire,  et  puis  tant  d'autres  pompes,  qu'on  est  la  confus.  Et  qu'emporte  tout  cela?  ce  n'est  qu'autant  d'ordure  qu'ils  ont  prins  et  retenu  de  Satan  :  et  toutesfois  les  Papistes  y  mettront  toute  leur  sainctete.  Apres,  ils  ont  invente  des  sacremens  a  leur  poste,  comme  leur  sacrement  de  confirmation,  qu'ils  appellent,  de  l'extrem  eonction,  et  tous  leurs  menus  badinages:  et  puis  tout  ce  que  nous  voyons  de  ceremonie  entr'eux,  qu'est-ee  sinon  autant  d'illusions  de  Satan?  Apprenons  donc  a  discerner  entre  ce  que  Dieu  a  ordonne,  et  ce  qu'il  approuve  par  sa  parolle  et  ce  que  les  hommes  ont  mis  en  avant  a  la  volee  et  selon  leurs  fantasies:  et  cognoissons  que  comme  la  verite  de  Dieu  est  tousiours  certaine  et  infallible,  qu'aussi  de  ce  qui  est  institue  du  coste  des  hommes,  il  ne  peut  proceder  que  de  mensonge  et  faussete:  car  ils  sont  gouvernez  par  Satan,  qui  en  est  le  pere.  Yoila  en  somme  ce  que  nous  avons  a  retenir.  Et  au  reste  notons,  que  quand  on  choisit  gens  pour  gouverner  l'Eglise  de  Dieu,  moyennant  qu'on  y  procede  selon  sa  parolle,  que  ceux-la  seront  conduits  et  gouvernez  par  luy,  et  qu'il  adioustera  de  ses  graces,  tant  qu'il  leur  sera  besoin:  et  ce  qu'auiourd'huy  nous  n'appercevons  point  l'experience  de  ce  qui  est  ici  contenu,  c'est  par  nostre  incredulite  et  malice:  car  si  nous  avions  election  telle  qu'elle  doit  estre,  pour  choisir  les  Pasteurs  qui  doyvent  annoncer  la  parolle  de  Dieu,  si  on  y  procedoit  en  telle  reverence  comme  il  est  requis,  que  le  Nom  de  Dieu  fust  invoque,  qu'on  gardast  l'ordre  tel  qu'il  a  institue  par  sa  parolle:  et  puis  qu'on  fist  le  semblable  aux  Magistrats  et  gens  do  iustice,  il  est  certain  que  Dieu  espandroit  aussi  les  graces  de  son  sainct  Esprit,  et  que  nous  verrions  que  sa  benediction  n'est  pas  vaine  en  telles  elections.  Mais  quoy?  pource  que  nous  sommes  enflez  de  presomption  souvent,  et  puis  qu'on  se  gouverne  selon  sa  fantasie,  et  qu'il  ne  cbaut  pas  gueres  a  beaucoup  de  gens  d'observer  ce  que  Dieu  nous  monstre  par