27:227  227  SERMON  LXXXVI.  228  lement  nous  la  tenions  bonne,  pour  y  consentir:  mais  que  nous  y  soyons  si  bien  asseurez,  que  le  Diable,  quoy  qu'il  machine,  ne  nous  puisse  divertir,  que  nous  ayons  ceste  certitude-la  pour  repousser  tout  ce  qui  nous  sera  mis  a  l'opposite.  Et  de  faict,  nous  voyons  par  l'exemple  de  nostre  Seigneur  Iesus  Christ,  que  ceux  qui  ont  este  fidelement  enseignez,  pourront  bien  repousser  toutes  les  astuces  de  Satan.  Car  quand  Iesus  Christ  est  tente,  de  quoy  s'armeii,  sinon  de  l'Escriture  saincte?  Nous  voyons  donc  que  s'il  se  leve  des  faux  -  prophetes  entre  nous,  moyennant  que  nous  ayons  este  bien  fondez  en  la  foy,  et  que  nous  y  soyons  confermez  comme  il  appartient,  que  nous  demeurerons  constans,  et  que  le  diable  ne  pourra  rien  gagner  sur  nous.  Il  est  vray  qu'on  se  trouvera  quelque  fois  empesche:  comme  les  serviteurs  de  Dieu  auront  des  troubles,  et  cela  est  pour  les  humilier:  quoy  qu'il  en  soit  leur  foy  est  tousiours  mieux  approuvee  par  les  erreurs,  heresies,  et  choses  semblables:  que  nostre  Seigneur  monstrera  que  nous  aurons  bien  profite  en  son  escolle,  et  que  iamais  nous  ne  pourrons  estre  desbauchez  pour  chose  qui  advienne.  Nous  oyons  aussi  ce  que  dit  S.  Paul,  quand  il  nous  arme  contre  tous  les  combats  spirituels  qui  pourroyent  advenir:  il  nous  baille  le  glaive  de  la  parolle  de  Dieu,  il  nous  baille  le  bouclier  de  la  foy,  le  heaume  d'esperance.  La  dessus  il  adiouste,  que  nous  pourrons  non  seulement  resister  a  toutes  les  escarmouches  que  Satan  nous  fera:  mais  quand  il  aura  des  dards  de  feu,  qu'il  semble  qu'il  n'y  a  nul  moyen  d'eschapper  de  ses  astuces:  que  nous  en  serons  garantis.  Ainsi  donc  apprenons  quand  l'Evangile  nous  est  presche,  que  nous  lisons  l'Ecriture  saincte,  non  seulement  de  recevoir  ce  qui  nous  est  monstre  de  la  bouche  de  Dieu,  comme  veritable:  mais  d'avoir  une  telle  resolution  en  nous,  que  quand  le  diable  esmouvera  des  heresies,  que  nous  ne  soyons  point  desbauchez,  ni  destournez  du  bon  chemin.  Voila  donc  ce  qui  nous  est  decl  air  e  en  ce  passage.  Car  nostre  Seigneur  ne  se  contente  point,  que  ses  fideles,  quand  ils  seront  paisibles,  et  qu'il  n'y  aura  nulle  tentation,  qu'ils  le  servent,  et  qu'ils  se  tiennent  a  sa  verite:  mais  il  veut  qu'ils  adioustent  telle  foy  a  sa  parolle,  que  quand  le  diable  viendra  semer  des  zizanies  pour  tout  pervertir,  quand  il  se  levera  des  gens  malins  qui  ne  demanderont  qu'a  obscurcir  la  verite,  et  la  convertir  en  mensonge  :  que  ceux  qui  auront  apprins  que  c'est  de  la  vraye  religion  ne  changent  point,  qu'ils  ne  soyent  point  variables  ni  inconstans:  mais  qu'ils  monstrent  que  ce  qu'ils  ont  cogneu  estoit  de  Dieu,  que  c'est  une  verite  permanente,  et  qu'il  ne  faut  point  ici  varier  ni  chancelier  en  facon  que  ce  soit.  Or  donc  retenons  bien  ceste  admonition,  et  qu'un  chacun  s'examine:  et  quand  nous  aurons  entendu  ce  qui