1:227  [CO  1.  227]  que  orare,  qui  morbo  impeditus  curvare  genua  nequit,  nihil  vetat.  Denique  satius  est,  mature  humare  mortuum,  quam  ubi  lin-  [OS  257]  teum  deest,  expectare  dum  inhumatus  putrescat.  Sed  est  nihilominus  in  istis  rebus,  quod  agendum  aut  cavendum  mos  regionis,  instituta,  ipsa  denique  humanitas  et  modestiae  regula  dictet.  Ubi  si  imprudentia  et  oblivione  quid  erratum  fuerit,  nullum  admissum  crimen  est,  sin  contemptu,  improbanda  est  contumacia.  Quod  si  quis  obstrepat  et  plus  sapere  hic  velit  quam  oportet,  viderit  ipse,  qua  morositatem  suam  ratione  Domino  approbet.  Nobis  tamen  istud  Pauli  (1  Cor.  11)  satisfacere  debet:  nos  contendendi  morem  non  habere,  neque  ecclesias  Dei.  In  altero  genere  sunt  horae  publicis  precationibus,  concionibus  et  baptismis  praescriptae,  in  ipsis  concionibus  quies  ac  silentium,  loca  destinata,  hymnorum  concentus,  dies  suscipiendae [p. 468]  Domini  coenae  destinati,  excommunicationum  disciplina  et  si  qua  alia  sunt.  Dies  ipsi  qui  sint  et  horae,  quae  locorum  structura,  qui  quo  die  canantur  psalmi,  nihil  interest.  Verum  et  certos  dies  et  statas  esse  horas  convenit,  et  locum  recipiendis  omnibus  idoneum,  si  qua  servandae  pacis  ratio  habetur.  Nam  quantarum  rixarum  semen  futura  sit  earum  rerum  confusio,  si,  prout  cuique  libitum  sit,  mutare  liceat,  quae  ad  communem  statum  pertinent?  Quando  nunquam  futurum  est,  ut  omnibus  idem  placeat,  si  res  velut  in  media  positae,  singulorum  arbitrio  relictae  fuerint.  Summa  ergo  diligentia  incumbendum  est,  ne  quis  irrepat  error,  qui  purum  hunc  usum  vel  inficiat,  vel  obscuret.  Quod  quidem  obtinebitur,  si  quaecunque  erunt  observationes  manifestam  utilitatem  prae  se  ferant,  si  parcissimae  admittantur,  potissimum  vero  si  accedet  fidelis  pastoris  doctrina  quae  pravis  opinionibus  viam  praecludat.  Haec  autem  cognitio  faciet,  ut  sua  cuique  nostrum  in  his  rebus  omnibus  libertas  constet,  et  quandam  nihilominus  suae  quisque  libertati  necessitatem  ultro  imponat,  quatenus  aut  illud,  quod  diximus,  τὸ  πρέπον  aut  caritatis  ratio  exiget.  Deinde,  ut  et  in  earum  observatione  nulla  superstitione  versemur  ipsi,  nec  morose  nimium  ipsam  ab  aliis  requiramus; [p. 469]  ne  potiorem  Dei  cultum  caeremoniarum  multitudine  aestimemus,  ne  ecclesia  ecclesiam  ob  externae  disciplinae  varietatem  contemnat.  Postremo,  ut  nullam  hic  perpetuam  legem  nobis  statuentes,  totum  observationum  usum  et  finem  ad  ecclesiae  aedificationem  referamus,  qua  postulante,  non  modo  mutari  aliquid,  sed  quidquid  ante  in  usu  nobis  observationum  fuerit,  inverti,  nulla  offensione  feramus.  Hoc  enim  ferre  interdum  temporum  rationem,  ut  ritus  quosdam,  non  impios  alioqui  nec  indecoros,  pro  rei  opportunitate  abrogari  conveniat,  praesenti  experimento  est  haec  [OS  258]  aetas.  Nam,  quae  superiorum  temporum  caecitas  fuit