51:226  coniugii:  vehementer  errant.  Nam  quum  in  coena  doceant  commemorationem  fieri  mortis  Christi  :  communicationem  non  admittant,  qualem  nos  ex  Christi  verbis  asserimus:  utimur  hoc  testimonio  adversus  eos.  Paulus  nos  ex  membris  et  ossibus  Christi  esse  testatur.  Miramur  ergo  si  corpus  suum  in  coena  fruendum  nobis  exhibet,  ut  sit  nobis  vitae  aeternae  alimentum?  Ita  ostendimus  nullam  nos  in  coena  repraesentationem  docere,  nisi  cuius  effectus  et  veritas  hic  a  Paulo  praedicatur.  31.  Huius  causa.  Duo  simul  coniungit.  Nam  ita  tractat  de  spirituali  Christi  unione  cum  ecclesia,  ut  simul  ad  communem  legem  coniugii  id  ipsum  extendat.  Quod  hic  citat  ex  Mose,  ad  generalem  coniugii  regulam  pertinet:  sed  continuo  post  subiicit,  in  C  h  r  i  s  t  o  et  e  c  c  l  e  s  i  a  esse  completum.  Libenter  enim,  quoties  datur  opportunitas,  immoratur  in  praedicandis  Christi  beneficiis.  Hanc  tamen  ipsam  praedicationem  accommodat  praesenti  causae.  Porro  incertum  est,  inducatne  Moses  Adam  loquentem,  an  doctrinam  in  sua  persona  ex  creationis  historia  colligat.  Nec  multum  sane  refert,  utrumvis  accipias:  nam  semper  erit  Dei  oraculum  quod  maritis  praeecribet  quid  uxoribus  debeant.  Quod  dicit,  r  e  l  i  n  q  u  e  t  p  a  t  r  e  m  ,  et  a  d  h  a  e  -  r  e  b  i  t  u  x  o  r  i  ,  perinde  vale  tae  si  dixisset  :  Potius  relinquat  patrem,  quam  non  adhaereat  uxori.  Neque  enim  tollit  vinculum  coniugale  reliqua  humanitatis  officia:  nec  ita  inter  se  male  conveniunt  Dei  instituta,  ut  nemo  fungi  officiis  boni  et  fidelis  mariti  queat,  nisi  qui  se  ac  sua  officia  patri  subtraxerit.  Verum  gradus  hic  notantur.  Et  comparatione  utitur  Moses,  quo  melius  exprimat  quam  arcta  sit  et  sancta  viri  cum  uxore  coniunctio.  Obligatio  enim  filii  erga  patrem  est  inviolabile  ius  naturae.  Huic  dum  praefertur  illa,  qua  maritus  adstrictus  est  uxori,  vis  eius  melius  intelligitur.  Non  ergo  desinet  patri  se  filium  praestare,  qui  bonus  maritus  esse  volet:  sed  coniugium  tanquam  sanctissimum  coniunctionis  genus  aliis  omnibus  praeferet.  Et  erunt  duo.  Id  est,  erunt  unus  homo:  vel  (ut  vulgo  loquuntur)  constituent  unam  personam.  Quod  certe  nulla  alia  necessitudo  efficit.  Totum  autem  ex  eo  pendet,  quod  uxor  ex  carne  et  ex  ossibus  viri  formata  est.  Eadem  ergo  unionis  ratio  inter  nos  et  Christum,  quod  se  quodammodo  in  nos  transfundit.  Neque  enim  ossa  sumus  ex  ossibus  eius,  et  caro  ex  carne,  quia  ipse  nobiscum  est  homo:  sed  quia  spiritus  sui  virtute  nos  in  corpus  suum  inserit,  ut  vitam  ex  eo  hauriamus.  32.  Arcanum  hoc  magnum.  Concludit  admiratione,  quod  de  spirituali  Christi  et  ecclesiae  coniunctione  dixerat.  Exclamat  enim  magnum  esse  arcanum.  Quo  innuit,  non  posse  verbis  explicari  quantum  rei  dignitas  postulat.  Et  sane  frustra  se  15