50:226  item,  quod  ad  promerendam  salutem  imaginantur  valere  :  item,  quod  maiore  severitate  exigitur  talium  nugarum  observatio,  quam  totius  legis  divinae.  Tantum  attingo  eam  excusationem,  qua  hodie  novi  artifices,  tanquam  specioso  colore,  tot  abominationes  praetexunt.  Obiiciant,  inquam,  ut  volent,  hodie  plus  multo  esse  ruditatis  et  ignorantiae  in  multis,  quam  in  Israelitis  olim  fuerit:  ideoque  pluribus  adminiculis  indigere.  Nunquam  enim  inde  efficient,  simili  paedagogia  esse  regendos,  quae  valuit  in  populo  israelitico.  Semper  enim  exadverso  opponam,  Dei  ordinationem  aliter  ferre.  Si  expedire  dicant,  negabo  eos  melius  cernere  quid  expediat,  quam  Deum  ipsum.  Nos  potius  pro  certo  habeamus,  id  esse  non  rectissimum  modo,  sed  etiam  utilissimum,  quod  Deus  decrevit.  Quare  rudibus  quaerenda  sunt  adminicula,  non  quae  hominum  libidini  comminisci  libuerit:  sed  quae  Deus  ipse  destinavit,  qui  nihil  procul  dubio  omisit  quod  suorum  infirmitati  sublevandae  aptum  foret.  Sufficiat  unus  hic  clypeus  ad  repellendas  quasvis  obiectiones:  aliter  Domino  visum  est,  cuius  consilium  pro  omnibus  rationibus  nobis  sufficit.  Nisi  forte  homines  meliora  excogitare  adiumenta  possunt,  quam  quae  Deus  ipse  providerat:  quae  postea  tanquam  inutilia  abrogavit.  Ac  diligenter  quidem  observa,  Paulum  non  tantum  hic  docere,  iam  ablatum  a  nobis  esse  iugum,  quod  impositum  erat  Iudaeis,  ut  iam  liber  sit  nobis  caeremoniarum  usus:  sed  nominatim  discrimen  regiminis  ponere,  quod  Deus  observari  voluerit.  Fateor  quidem  liberas  hodie  nobis  esse  res  omnes  externas:  sed  ita  ut  caeremoniarum  multitudine  ecclesia  nequaquam  oneretur,  nisi  velimus  Christianismum  cum  Iudaismo  confundere.  Rationem  postea  dicemus  suo  loco.  3.  Sub  elementis  mundi,  ete.  Elementa  vocat,  aut  proprio  nomine  res  externas  et  corporales  aut  metaphorice  rudimenta.  Malo  secundum.  Sed  cur  mundi  esse  dicit,  quae  spiritualem  habebant  significationem?  perinde  est  ac  si  diceret:  non  habebamus  nudam  veritatem,  sed  implicitam  terrenis  figuris.  Ergo  quod  externum  erat,  id  ex  mundo  fuisse  docet,  tametsi  subesset  coeleste  mysterium.  4.  Quando  venit  plenitudo.  Pergit  in  similitudine  adducta:  et  suo  instituto  definitum  a  patre  tempus  accommodat.  Simul  tamen  ostendit,  tempus  illud,  quod  Dei  providentia  ordinatum  erat,  maturum  fuisse  et  opportunum.  Ea  igitur  demum  iusta  est  opportunitas  ac  recta  agendi  dispensatio,  quae  providentia  Dei  regitur.  Ita  quando  expediret  filium  revelari  mundo,  solius  Dei  fuit  iudicare  ac  statuere.  Quo  compescitur  omnis  curiositas,  ne  quisquam  audeat,  arcano  Dei  consilio  non  contentus,  litem  movere  cur  non  citius  Christus  apparuerit  Plura  ex  fine  epistolae  ad  Romanos  petant  lectores,  si  velint  Misit  Deus  filium  suum.  Hic  paucis  verbis  multa  complexus  est.  Filium  enim,  qui  missus  est,  15