5:226  Deo  derelictos.  Ad  hunc  modum  sancti,  docente  spiritu  Dei,  non  usurpabunt  has  voces,  quo  a  se  avertant  mortem,  et!)  Dei  vocationem:  sed  quo  iudicium,  iram  et  severitatem  Dei  deprecentur:  qua  per  mortem  corripi  se  [fol.  461  a  Deo  sentiunt.  Hoc  ne  comminisci  videar,  quaero,  sitne  fidelis  vocaturus  simplicem  et  naturalem  mortem,  iram  et  terrores  Dei?  Non  arbitror  illos  eo  usque  impudentes,  ut  audeant  affirmare.  Atqui,  mortem  illam  sic  interpretatur  propheta  iisdem  locis:  In  me  transierunt,  Deus,  irae  tuae,  et  terrores  mortis  conturbaverunt  me  (Psal.  88,  8.  17).  Et  multa  alia  subiicit,  quae  pertineant  ad  iram  Dei.  Alterius  vero  loci  haec  verba  sunt:  Quoniam  momentum  in  indignatione  eius,  et  vita  in  benevolentia  eius  (Psal.  30,  G).  Sed  lectores  hortor,  ad  volumen  se  conferant:  ut  ex  integris  duobus  Psalmis,  et  cantico  illo,  certiorem  fidem  petant.  Sic  enim  nec  fucus  illis  fiet,  et  facile  obtinebo  apud  eos,  qui  sano  iudicio  legent.  Constituimus  ergo,  mortem  illis  locis  esse,  sentire  iram  ac  iudicium  Dei,  hocque  sensu  perterreri  ac  conturbari.  Sic  Ezechias,  quum  videret  se  relinquere  regnum  expositum  hostium  probris  ac  direptioni,  prolem  vero  se  non  relinquere,  a  qua  descenderet  exspectatio  gentium:  haec,  quae  signa  erant  irati  et  punientis  Dei,  sollicitabant  animam  eius,  non  mortis  terror,  quam  postea  nulla  deprecatione  subiit.  In  summa  fateor,  mortem  ex  se  malum  esse,  quum  sit  maledictio  et  poena  peccati:  et,  quum  ipsam,  per  se,  plenam  e&se  terroris  ac  desolationis,  tum  vero  in  ultimam  desperationem  eos  depellere,  qui  sentiunt  eam  sibi  infligi  ab  irato  et  puniente  Deo.  Unum  est  condimentum,  quod  tantam  eius  acerbitatem  temperet:  inter  eius  angustias  cognoscere  Deum  sibi  esse  patrem,  Christum  habere  ducem  ac  comitem.  Soc  condimento  qui  carent,  habent  mortem  pro  confusione  et  perditione  aeterna.  Quare  Deum  laudare  in  morte  non  possunt.  Iam  versus  ille:  Non  mortui  laudabunt  te,  etc.  claudit  laudes  populi,  gratias  agentis  Deo,  quod  eius  manu  protectus  esset  a  periculo:  in  hunc  sensum,  si  permisisset  nos  opprimi  Dominus,  ac  venire  in  potestatem  hostis,  insultasset  eius  nomini  ille,  et  gloriatus  esset  se  superasse  Dominum  Israel.  Nunc  vero  ubi  Dominus  eius  ferociam  repressit  ac  contudit,  ubi  nos  ab  eius  saevitia  eripuit,  in  manu  potenti  et  brachio  excelso:  non  poterunt  gentes  dicere:  Ubi  est  Deus  eorum?  qui  se  vere  Deum  viventem  ostendit.  Nec  poterit  eius  misericordia  in  dubium  venire,  quam  adeo  mirifice  exhibuit.  E  c  hic  mortui  appellantur,  derelicti  a  Deo,  et  qui  eius  virtutem  ac  benignitatem  erga  se  non  senserunt:  quemadmo-  1)  Sic  sola  1542  assentiente  Gallo;  caelerae  omnes:  ut.  15