47:226  Christum  esse  prophetam  confessus  est,  qui  Dei  filium  esse  nondum  tenebat,  quam  pudenda  est  eorum  perfidia,  qui  metu  fracti  vel  eum  abnegant  vel  conticescunt,  quum  sciant  ad  patris  dexteram  sedere  atque  inde  venturum  totius  orbis  iudicem  ?  Quum  ergo  exiguam  notitiae  scintillam  hic  caecus  non  suffocaverit,  danda  opera  est  ut  ex  pleno  fulgore,  qui  cordibus  nostris  illuxit,  ingenua  et  integra  confessio  refulgeat.  18.  Non  crediderunt  ergo  Iudaei  de  ipso,  quod  caecus  fuisset,  ac  visum  recepisset,  donec  vocarunt  parentes  eius,  qui  visum  receperat.  19.  Et  interrogaverunt  eos,  dicentes:  Hic  est  filius  vester,  quem  vos  dicitis  caecum  natum  esse?  quomodo  igitur  nime  videt?  20.  Responderunt  illis  parentes  eius  et  dixerunt  :  Scimus  quod  hic  est  filius  noster,  et  quod  caecus  natus  est  21.  Quomodo  autem  nunc  videat,  nescimus:  aut  quis  eius  aperuerit  oculos,  nos  nescimus:  ipse  aetatem  habet,  eum  interrogate,  ipse  de  se  loquetur.  22.  Haec  dixerunt  parentes  eius,  quod  timerent  Iudaeos:  iam  enim  conspiraverant  Iudaei  ut,  si  quis  eum  confiteretur  esse  Christum,  e  synagoga  eiiceretur.  23.  Propterea  parentes  eius  dixerunt:  Aetatem  habet,  ipsum  interrogate.  18.  Non  crediderunt.  Duo  hic  observanda  sunt,  quod  non  credant  factum  esse  miraculum,  et  quod  sponte  pravo  Christi  odio  excaecati  quod  palam  est  non  cernant.  Ipsos  evangelista  non  credidisse  refert:  si  ratio  quaeritur,  non  dubium  est  quin  voluntaria  fuerit  eorum  caecitas.  Quid  enim  obstat,  quominus  luculentum  Dei  opus  oculis  suis  subiectum  non  videant:  imo  quod  plus  quam  convicti  non  tamen  credant  quod  iam  habent  compertum,  nisi  quod  interior  cordis  malitia  clausos  tenet  eorum  oculos?  Idem  in  evangelii  quoque  doctrina  impleri  Paulus  docet:  velatam  enim  vel  obscuram  esse  negat  nisi  reprobis,  quorum  mentes  excaecavit  Deus  huius  saeculi.  Talibus  exemplis  moniti,  discamus  non  accersere  nobis  obstacula  quae  nos  a  fide  arceant.  Iudaeos  per  synecdochen  evangelista  nominat,  qui  populi  gubernacula  tenebant.  19.  Hic  est  filius  vester.  Quia  priore  via  non  successit,  novam  aliam  tentant:  sed  Dominus  hic  quoque  mirabili  ratione  non  modo  eorum  conatus  disturbat,  sed  in  contrarium  etiam  finem  vertit.  Porro  non  unum  simpliciter  quaerunt,  sed  astute  plura  involvunt,  ut  responsionis  ansam  praecidant.  Sed  parentes  caeci  ex  multiplici  et  captiosa  interrogatione  dimidiam  tantum  partem  excerpunt,  ad  quam  respondent:  filium  suum  esse  testantur,  et  caecum  fuisse  ab  utero.  Hinc  sequitur  non  naturaliter  eum  videre,  sed  miraculo  apertos  fuisse  illi  oculos:  sed  hoc  posterius,  quia  odiosum  erat,  praetereunt:  quo  silentio  produnt  suam  ingratitudinem*  15