29:226  aura  este  gardee,  que  la  iustice  maintiendra  eo  possession  celuy  qui  aura  achete:  mais  ce  n'est  pas  le  tout  :  car  Dieu  (comme  desia  nous  avons  dit)  accomplit  par  la  vertu  secrette  de  son  Esprit  tout  ce  qu'il  monstre,  et  qu'il  testifie  a  l'oeil.  Ainsi  donc  il  nous  faut  tousiours  revenir  la,  que  les  Sacremens  ont  leur  effect,  que  ce  ne  sont  pas  des  signes  frivolles  et  qui  s'esvanouissent  en  l'air:  mais  que  tousiours  la  verite  y  est  coniointe,  d'autant  que  Dieu,  qui  est  fidelle,  monstre  qu'il  n'a  rien  institue  en  vain.  Et  voila  pourquoy  au  Baptesme  nous  recevons  vrayement  la  remission  de  nos  pechez,  nous  sommes  lavez  et  nettoyez  du  sang  de  nostre  Seigneur  Iesus  Christ,  nous  sommes  renouvelez  par  la  vertu  de  son  sainct  Esprit.  Et  pourquoy?  quelque  peu  d'eau  qu'on  iettera  sur  la  teste  d'un  enfans  aura-elle  ceste  vertu?  Nenni.  Mais  pource  que  nostre  Seigneur  Iesus  Christ  a  voulu  que  ceste  eau-la  fust  un  signe  visible  de  son  sang  et  de  son  S.  Esprit:  voila  pourquoy  le  Baptesme  a  ceste  vertu,  et  que  tout  ce  qui  est  la  monstre  est  accompli  quant  et  quant.  Si  nous  venons  a  la  Cene,  il  est  certain  qu'un  petit  lopin  de  pain,  une  goutte  de  vin  ne  pourront  pas  vivifier  nos  ames,  car  ce  sont  choses  corruptibles:  mais  nous  avons  tesmoignage  que  nous  sommes  repeus  du  corps  et  du  sang  de  nostre  Seigneur  Iesus  Christ:  et  en  ce  tesmoignage-la  nous  cognoissons  que  nostre  Seigneur  Iesus  Christ  monstre  qu'il  ne  nous  veut  point  decevoir  en  ses  promesses,  qu'il  ne  nous  veut  point  tenir  le  bec  en  l'eau,  comme  on  dit:  car  il  accomplit  tout  ce  qui  nous  est  la  monstre:  que  quand  nous  venons  a  ceste  saincte  table,  nous  devons  estre  asseurez  que  nos  ames  sont  nourries  de  la  viande  spirituelle  que  nous  ne  voyons  point:  et  faut  que  nostre  foy  monte  iusques  au  ciel,  afin  que  nous  soyons  conioints  a  nostre  Seigneur  Iesus  Christ.  Ici  donc  nous  avons  a  noter,  quand  l'Escriture  nous  parle  des  signes  que  nous  avons  en  usage  selon  l'ordonnance  de  Dieu,  que  la  verite  y  est  avec.  Et  pourquoy?  Car  nostre  Seigneur  (comme  i'ay  dit)  approuve  en  cest  endroict  nostre  foy,  nous  monstrant  que  ce  qui  procede  de  luy,  n'est  point  frustratoire.  Or  comme  cela  doit  estre  tout  resolu  des  Sacremens,  aussi  a  l'opposite  notons  que  quand  les  hommes  inventent  de  leur  teste  ce  qui  n'a  point  este  ordonne  de  Dieu,  il  n'y  a  la  qu'un  badinage,  et  un  ieu  de  farce,  et  non  plus.  Comme  en  la  Papaute  ils  auront  beaucoup  de  signes,  et  voudroyent  qu'on  les  tinst  comme  des  hauts  mysteres.  En  la  Messe  combien  y  a-il  de  sottises?  Or  tant  y  a  que  si  on  les  vouloit  croire,  il  n'y  a  la  rien  qui  ne  soit  digne  d'estre  bien  prise:  ils  voudroyent  qu'on  fust  la  comme  ravi  entre  les  Anges,  quand  ils  iouent  leurs  menus  fatras.  Or  cependant  il  n'y  a  que  toute  vanite  et  mensonge,  ce  n'est  que  pour  15