27:226  est  preschee,  et  qu'il  n'y  eust  nulle  tenure  en  nous:  mais  si  tost  qu'on  appercevroit  ie  ne  say  quoy  au  contraire,  que  nous  fussions  destournez  de  ce  que  nous  avions  apprins:  que  seroit-ce?  Il  est  dit  que  la  foy  nous  doit  estre  une  victoire  pour  surmonter  tout  le  monde.  Voila  comme  S.  Iehan  en  parle  en  sa  premiere  Canonique.  Car  si  nous  sommes  esbranlez  a  tous  vents,  qu'il  ne  faille  qu'une  bouffee  de  mensonge  pour  nous  aliener  de  Dieu,  nostre  foy  sera  bien  tost  veincue:  et  que  deviendra  ceste  victoire?  Ainsi  notons,  que  quand  Dieu  nous  fait  ceste  grace  de  nous  instruire  par  sa  parolle,  ce  n'est  point  seulement  afin  que  nous  apprenions  ce  qui  nous  est  dit,  et  que  nous  le  retenions  bien  pour  un  coup  :  mais  il  faut  que  nous  soyons  la  arrestez,  et  que  nous  y  soyons  fondez  en  sorte,  que  quand  tous  les  troubles  du  monde  seront  eslevez  contre  nous,  que  nous  tenions  bon,  que  nous  soyons  constans,  et  invincibles.  Si  cela  a  este  dit  au  peuple  ancien  qui  n'avoit  pas  instruction  si  ample  a  beaucoup  comme  nous:  adiourd'huy  il  nous  appartient  par  plus  forte  raison.  Dieu  a  donne  instruction  suffisante  aux  Iuifs,  et  entant  qu'il  estoit  requis  pour  leur  salut:  il  est  vray:  mais  si  est-ce  qu'il  les  a  enseignez  sous  ombrage  et  figure:  et  ceste  faconla  a  este  obscure  en  comparaison  de  celle  que  nous  avons  auiourd'huy.  Car  en  l'Evangile  nous  avons  le  Soleil  de  iustice  qui  nous  esclaire  comme  en  plein  midi.  Ainsi  donc  il  faut  bien  que  la  parolle  de  Dieu  nous  serve,  non  seulement  pour  nous  monstrer  le  bon  chemin:  mais  aussi  pour  nous  faire  resister  contre  toutes  les  tentations  de  Satan,  et  de  tous  ses  supposts:  il  faut  (di-ie)  que  nous  soyons  armez  tellement,  que  nous  bataillions  pour  repousser  tous  erreurs,  et  toute  fallace:  tellement  qu'apres  avoir  cogneu  Dieu,  nous  adherions  constamment  a  luy  iusques  au  bout.  Et  voila  pourquoy  S.  Paul  traittant  de  l'usage  d'Evangile,  dit,  qu'il  ne  nous  faut  point  estre  comme  petits  enfans  qui  soyent  attirez  ca  et  la:  si  tost  que  nous  verrons  ie  ne  say  quoy  de  frivole  pour  nous  abuser,  que  nous  allions  apres:  que  seroit-ce?  Mais  il  nous  faut  (dit-il)  estre  tellement  confermez  en  sa  foy,  que  s'il  y  vient  des  trompeurs,  qui  taschent  de  nous  mener  a  la  pipee,  et  de  nous  seduire,  que  nous  soyons  munis  a  l'encontre,  que  nous  ne  soyons  point  si  tost  ainsi  esbranlez.  Vray  est  qu'il  nous  faut  estre  engendrez  en  nostre  Seigneur  Iesus  Christ,  et  qu'au  commencement  nostre  foy  pourra  estre  si  debile,  que  nous  serons  semblables  a  des  petits  enfans:  mais  il  nous  faut  croistre  et  cueillir  tous  les  iours  nouvelles  forces,  iusques  a  tant  que  nous  parvenions  a  cest  aage  d'homme,  quand  nous  serons  parfaits  pour  rencontrer  nostre  Seigneur  Iesus  Christ.  Voila  donc  quelle  vertu  doit  avoir  la  doctrine  de  verite,  quand  elle  nous  est  enseignee:  c'est  que  non  seu-  15