10.1:226  vicacia  speciem  praebeat  tentandae  religionis.  Caeterum,  non  aliter  consistet  ecclesiae  incolumitas,  quam  si  ad  eam  purgandam,  fraenandas  libidines,  tollenda  flagitia,  corrigendos  perversos  mores  vigeat  excommunicatio:  cuius  moderatum  usum  quisquis  recusat,  praesertim  admonitus,  se  ex  Christi  ovibus  non  esse  prodit.  Valete  eximii  viri,  et  nobis  ex  animo  colendi  fratres.  Dominus  semper  vobis  adsit,  vos  gubernet  suo  spiritu,  et  virtute  sua  confirmet  ad  implendum  sanctae  suae  vocationis  cursum.  Genevae,  3.  Nonas  Martii.  Ioannes  Calvinus  fratrum  nomine.  CAELIBATUM  IN  MINISTRO  NON  ITA  REQUIRENDUM  ESSE.l)  Gratia  tibi  et  pax  a  Deo  patre  nostro,  et  Domino  Iesu,  frater  mihi  plurimum  in  Domino  observande.  Solemus,  si  quando  ad  eos  scribendum  est,  quibuscum  nulla  nobis  familiaritas  aut  necessitudo  intercessit,  diligenter  principio  excusare  ac  deprecari,  ne  vel  temeritatis  vel  importunitatis  ea  in  re  notemur.  Ego  tamen,  etsi  de  facie  prorsus  tibi  sum  incognitus,  satis  causae  habere  mihi  videor,  cur  te  meis  literis  sine  ulla  eiusmodi  excusatione  compellare  audeam.  Praeterquam  enim  quod  Christus  noster,  quem  uno  spiritu  colimus  et  confitemur,  satis  firmum  intimae  amicitiae  vinculum  nobis  esse  debet:  quum  mihi  singularem  tuam  erga  me  benevolentiam  N.  exposuisset,  non  dubitavi  quin  officii  mei  vicissim  esset,  similem  erga  te  animi  mei  sensum,  quo  possem  modo,  testari  ac  declarare.  Praecipue  vero  mihi  fiduciam  addidit,  quod  et  referebat  te  scriptis  meis  oblectari,  et  tibi  non  ingratum  fore  officium  hoc  promittebat,  si  privatas  a  me  literas  acciperes.  Obtemperavi  igitur,  eoque  libentius,  quod  me  tibi  non  vulgariter  obstrictum  iudicabam,  propter  istud  tam  propensum  in  me  studium:  nec  habebam  in  praesentia  quod  referrem,  nisi  hoc  unum  quod  ille  postulabat,  et  mihi  facile  erat  praestare.  Fidem  porro  non  dubiam  habui  eius  testimonio,  quod  apud  te  annum  unum  educatus  totum  animi  tui  sensum  hac  in  re  perspectum  habere  potest.  Ergo,  ut  iam  dixi,  quum  tu  mihi  aditum  ad  te  non  difficilem  patefeceris,  diutius  in  longiori  excusatione  non  immorabor.  Principio  hoc  tibi  certum  esse  velim,  nihil  me  magis  cupere,  quam  et  interiorem  habere  tecum  amicitiam,  et  eam  quibus  licebit  officiis  confirmare.  Ita  enim  mihi  dotes  tuas  praedicavit  pius  hic  frater,  ut  te  inter  eos  facile  recenseam,  quibus  plurimum  debent  quicunque  Christi  esse  vo-  1)  Epp.  et  Responsa  ed.  Genev.  p.  336,  Laus.  p.  641,  Han.  p.  721,  Chouet  p.  462,  Amst  p.  211.  15