1:226  [CO  1.  226]  observandum  esse,  quae  cum  bene  constituta  rerum  omnium  compositione  optime  sustinentur,  tum  vero  sine  concordia  nullae  sunt  prorsus.  Quamobrem,  si  ecclesiae  incolumitati  optime  prospectum  volumus,  diligenter  omnino  curandum  est,  ut,  quod  Paulus  iubet  (1  Cor.  14),  decenter  omnia  et  secundum  ordinem  fiant.  At  cum  in  hominum  moribus  tanta  insit  diver-  [OS  256]  sitas,  tanta  in  animis  varietas,  tanta  in  iudiciis  ingeniisque  pugna,  neque  politia  ulla  satis  firma  est,  nisi  certis  legibus  constituta,  nec  sine  stata  quadam  forma  servari  ritus  quispiam  potest.  Huc  ergo  quae  conducunt  leges,  tantum  abest  ut  damnemus,  ut  his  ablatis  dissolvi  suis  nervis  ecclesias  totasque  deformari  ac  dissipari,  contendamus.  Neque  enim  aliter  haberi  potest  quod  Paulus  exigit,  ut  decenter  omnia  et  ex  ordine  fiant,  nisi  additis  observationibus,  ceu  vinculis  quibusdam,  ordo  ipse  et  decorum  consistat.  Id  tamen  semper  caute  in  istis  observationibus  excipiendum  est,  ne  aut  ad  salutem  credantur  necessariae,  ut  conscientias  religione  obstringant,  aut  ad  Dei  cultum  conferantur,  ut  in  illis  reponatur  pietas.  Quae  una  ratio  inter  impias [p. 466]  illas  constitutiones  distinguit,  quibus  veram  obscurari  religionem,  et  conscientias  subverti  dictum  est,  et  legitimas  ecclesiae  ordinationes,  quibus  ex  his  alterum  semper  esse  propositum  nuper  monuimus  :  aut  ut  ad  decorum  duntaxat  pertineant,  quo  in  fidelium  coetu  peragantur  omnia,  quo  decet  ordine,  aut  ut  ipsam  hominum  communitatem,  velut  quaedam  humanitatis  vincula,  retineant.  Atqui  ubi  semel,  publicae  honestatis  causa,  posita  lex  intelligitur,  iam  sublata  est  superstitio,  in  quam  incidunt  qui  humanis  inventis  Dei  cultum  metiuntur.  Rursum  ubi  ad  communem  duntaxat  hominum  usum  spectare  cognoscitur,  eversa  est  falsa  illa  obligationis  et  necessitatis  opinio,  quae  ingentem  terrorem  conscientiis  iniiciebat,  cum  putarentur  traditiones  ad  salutem  necessariae;  siquidem  hic  nihil  quaeritur,  nisi  ut  communi  officio  alatur  inter  nos  caritas.  Prioris  generis  exempla  sunt  apud  Paulum,  ne  mulieres  in  ecclesia  doceant,  ut  velatae  procedant  (1  Cor.  11  et  14),  et  in  perpetuo  vitae  usu  spectari  possunt:  ut  flexis  genubus,  nudoque  capite  publice  oremus,  ne  nuda  hominum  cadavera  in  foveam  proiiciantur,  ne  Domini  sacramenta  profane  et  sordide  administrentur,  et  quae  alia  eodem  pertinent.  Quid,  an  in  mulieris  carbaso  sita  religio  est,  ut  nudo  capite  egredi  sit  nefas, [p. 467]  an  sanctum  de  eius  silentio  decretum,  quod  violari  sine  summo  scelere  non  possit,  an  aliquod  in  genuflexione,  aut  tegendo  cadavere  mysterium,  quod  praeteriri  sine  piaculo  non  possit?  Minime.  Nam  si  tali  festinatione  opus  sit  mulieri  in  iuvando  proximo,  quae  velare  caput  non  sinat,  nihil  delinquit  si  aperto  capite  accurrat;  et  est  ubi  loqui  non  minus  opportunum  illi  sit,  quam  alibi  tacere.  Stantem  quo-  15