9:225  225  AD  WESTPHALUM.  226  tidius  sit,  quam  ludendo  ieiunum  nescio  quid,  quale  ipsis  recitare  libuit,  diluere,  verum  argumentum  audiant  ex  me  lectores.  Quum  ex  veteribus  quidam  libere  docuerint,  Christum  dixisse:  Hoc  est  corpus  meum,  quum  signum  daret  corporis  sui  ;  item  :  panem  esse  Christi  corpus,  quia  sacramentum  quodammodo  censetur  res  ipsa;  alii  docuerint  verum  fuisse  Christi  corpus,  cuius  signum  in  coena  tradidit;  alii  panem  vocaverint  oppositum  typum  corpori,  non  esse  probabile  tunc  grassatum  fuisse  errorem  de  corporali  sub  pane  praesentia,  quia  statim  mota  fuisset  contentio.  Hic  non  est  cur  nos  Philisthinis  comparent:  nisi  forte,  sicuti  [pag.  249]  in  mutilis  l)  comoediis  fieri  solet,  clamoribus  suis  quasi  fractorum  scamnorum  strepitu  actionem  subito  abrumpant,  et  lectores  frustrentur.  Argumentum  XXXVI  est  do  novitate,  quae  nobis  suspecta  erroris  esse  debet,  nec  immerito  quod  tradunt  adversarii  figmentum  de  corporali  praesentia  damnamus  hoc  nomine,  quia  non  ita  pridem  inter  crassas  inscitiae  et  superstitionum  corruptelas  natum  est.  Respondent  solenne  hoc  esse  patronis  malarum  causarum,  arripere  vicinum  aliquid,  quo  plausibiliter  declamitent,  et  maximas  tragoedias  moveant,  et  hoc  modo  nos  transferre  ad  corporalem  praesentiam,  quod  non  nisi  in  transsubstantiationem  competit,  quam  ipsi  quoque  acriter  damnant.  Sic  illi:  sed  primum  nego  tragice  nos  vociferari  hac  in  re,  quum  simpliciter  dicimus  commentum  quod  ipsi  pro  coelesti  oraculo  adorant,  fabricatum  fuisse  a  sophistis,  qui  nihil  tenebant  [pag.  250]  purioris  theologiae.  Deinde  nego  ex  fuco  affinitatis  nos  captare  plausum.  Quam  acriter  transsubstantiationem  oppugnent,  patet  ex  scriptis  Westphali,  qui  concilia  sub  Nicolao  et  G-regorio  septimo  habita  pro  orthodoxis  censere  non  dubitat.  Sed  hinc  facessat  transsubstantiatio.  Crassius  eos  de  corporali  praesentia  quam  papistas  sentire  et  loqui  arguimus.  Nec  est  quod  tam  ferociter  in  suis  cothurnis  exsultent,  prolatis  Christi  verbis:  Hoc  est  corpus  meum.  Neque  enim  negamus  haec  esse  Christi  verba,  quod  parum  verecunde  nobis  obiiciunt.  Sicuti  fateri  cogentur  haec  Dei  verba  esse;  Terra  scabellum  pedum  meorum  (Jes.  66,  1):  unde  sequetur,  si  stare  libeat  ipsorum  iudicio,  Dei  pedes  terrae  innixos  sustinere  eius  corpus.  Non  est  igitur  in  verbis  novitas,  sed  in  praeciso  quem  urgent  ipsi  verborum  sonitu.  Tricesimo  septimo  loco  referunt  quod  [pag.  251]  pro  nobis  afferimus,  utrumque  loquendi  genus  veteribus  esse  usitatum,  panem  et  vinum  esse  corpus  et  sanguinem  Christi,  et  tamen  signa  esse,  et  symbola,  et  sacramenta  corporis  et  sanguinis.  Unde  colligimus  Christi  verba  non  citra  figuram  accepta  1)  comedies  imperfaites.  Beza  et  Amst.  legunt  :  multis.  Calvini  opera  Vol.  IX.