52:225  225  SERMON  DU  DERNIER  ADVENEMENT  DE  NOSTRE  SEIGNEUR  IESUS  CHRIST.  2  THESS.  Chap.  1.  6.  Cest  chose  iuste  envers  Dieu  qu'il  rende  affliction  a  ceux  qui  vous  affligent:  7.  et  a  vous  qui  estes  affligez,  repos  avec  nous  en  ceste  iournee-la  que  le  Seigneur  Iesus  se  manifestera  du  ciel  avec  les  Anges  de  sa  puissance,  8.  et  en  flamme  de  feu,  faisant  vengence  contre  ceux  qui  ne  cognoissent  point  Dieu,  et  qui  n'obeissent  point  a  l'Evangile  de  nostre  Seigneur  Iesus  Christ  9.  Lesquels  souffriront  peine,  ascavoir  perdition  eternelle  devant  la  face  du  Seigneur,  et  par  la  gloire  de  sa  puissance,  10.  quand  il  viendra  pour  estre  glorifie  en  ses  saincts,  et  estre  fait  admirable  en  tous  les  croyans:  pource  que  nostre  tesmoignage  envers  vous  a  este  creu.  L'un  des  principaux  articles  de  nostre  foy  c'est  que  nostre  Seigneur  Iesus  Christ  doit  apparoistre  du  ciel.  Or  il  ne  faut  point  que  sa  venue  soit  inutile:  ii  s'ensuit  donc  que  c'est  la  ou  nous  devons  regarder,  attendans  nostre  redemption  et  salut.  Et  ne  faut  point  que  nous  en  doutions:  car  ce  seroit  aneantir  tout  ce  que  nostre  Seigneur  Iesus  Christ  a  fait  et  souffert.  Car  pourquoy  est-ce  qu'il  est  descendu  en  ce  monde?  qu'il  a  vestu  chair  humaine?  qu'il  a  este  expose  a.  la  mort?  qu'il  est  ressuscite  et  monte  au  ciel?  C'est  afin  de  nous  recueillir  en  son  Royaume,  quand  il  sera  apparu.  Ainsi  donc  ceste  venue  de  nostre  Seigneur  est  comme  pour  seeller  et  ratifier  tout  ce  qu'il  a  fait  et  endure  pour  nostre  salut.  Or  cela  nous  doit  bien  suffire  pour  nous  appuyer  afin  de  resister  a  toutes  les  tentations  de  ce  monde.  Mais  d'autant  que  nous  sommes  si  fragiles  que  nous  ne  pouvons  adiouster  foy  a  ce  que  Dieu  nous  dit,  S.  Paul  use  maintenant  d'un  argument  nouveau  pour  nous  mieux  confermer  en  ceste  attente,  a  laquelle  il  nous  avoit  exhortez  en  la  personne  des  Thessaloniciens:  c'est  que  Dieu  ne  permettra  point  d'estre  ainsi  mesprise  par  les  contempteurs  de  son  Evangile,  qui  ne  tienent  conte  de  sa  maieste  celeste,  et  qu'il  ne  veut  Ccdvini  opera.  Vol  LII