50:225  225  CAPUT  IV.  226  dere,  in  iis  convenimus.  Caeremoniae  et  totum  illud  regimen  in  quibus  differimus,  sunt  quasi  accessiones.  Praeterea  observandum  est;,  tempus  illud  suisse  ecclesiae  pueritiam:  nunc  vero  a  Christi  adventu  ecclesiam  adolevisse,  ut  sit  quodammodo  in  aetate  virili.  Clara  enim  sunt  Pauli  verba.  Sed  hic  difficultas  oritur,  quia  videtur  parum  sibi  constare.  Nam  ad  Ephesios  cap.  4,  13,  hortatur  nos  ad  quotidianos  progressus,  donec  perveniamus  in  aetatem  adultam  et  mensuram  plenitudinis.  Et  ad  Corinthios  priore  epistola  (3,  1),  commemorat  se  lac  potum  illis,  utpote  pueris,  dedisse:  quia  solidi  cibi  non  erant  capaces.  Et  paulo  post  conferet  Galatas  infantibus.  Respondeo,  illic  agi  de  singulis  hominibus  et  privata  cuiusque  fide:  hic  vero  in  universum  de  duobus  corporibus,  non  habita  personarum  ratione.  Haec  responsio  pertinebit  etiam  ad  solvendam  multo  maiorem  difficultatem.  Videmus  enim  quam  incomparabilis  fuerit  Abrahae  fides,  quanta  luce  intelligentiae  polluerint  sancti  prophetae.  Qua  ergo  fronte  audebimus  nos  prae  illis  iactare  viros?  annon  potius  illi  heroes,  nos  pueri?  Ut  de  nobis  taceamus,  quis  inter  Galatas  repertus  fuisset  par  uni  ex  illis  cuilibet?  Verum  hic,  quemadmodum  iam  dixi,  non  tractatur  de  singulis  personis,  sed  universalis  utriusque  populi  conditio  describitur.  Instructi  tunc  fuerunt  amplioribus  donis  quidam:  sed  pauci  fuerunt,  non  totum  corpus.  Deinde  ut  multi  fuerint,  non  respiciendum  quales  intus  fuerint,  sed  qualis  fuerit  in  illis  gubernandis  Dei  oeconomia.  Constat  autem  fuisse  paedagogiam,  hoc  est  disciplinam  puerilem.  Hodie  autem  quid?  Ruptis  illis  vinculis,  iam  liberalius  ecclesiam  suam  Deus  regit,  nec  sub  tam  arcta  custodia  tenet.  Quamquam  obiter  simul  notandum,  quamlibet  eximia  intelligentia  donati  fuerint,  illam  tamen  resipuisse  naturam  temporis,  ut  in  revelatione  quam  habebant,  esset  semper  aliquid  instar  nubis  subobscurum.  Unde  illud  Christi  (Luc.  10,  23):  Beati  oculi,  qui  vident  quae  videtis:  multi  reges  et  prophetae  optarunt  videre  eadem,  nec  viderunt,  ete.  Nunc  tenemus  qualiter  praeferamur  iis,  qui  longe  nobis  fuerunt  excellentiores.  Neque  enim  id  tribuitur  personis:  sed  totum  pendet  ex  oeconomia  divini  regiminis.  Hic  validissimus  est  aries  ad  demoliendas  omnes  caeremoniarum  pompas,  quibus  solis  papatus  splendet.  Quid  enim  aliud  hodie  perstringit  oculos  simplicium,  ut  papae  regnum  in  admiratione  habeant,  aut  saltem  tangantur  aliqua  reverentia  :  nisi  magnificus  ille  caeremoniarum,  rituum,  gesticulationum  et  omne  genus  cultuum  apparatus  in  hoc  ipsum  compositus,  ut  obstupefaciat  imperitos?  Atqui  ex  hoc  loco  apparet,  fucos  esse  adulterinos,  quibus  deformata  est  ecclesia.  Iam  non  loquor  de  vitiis  maioribus  magisque  exsecrandis.  Quale  est,  quod  Dei  cultus  esse  fingunt:  Calvini  opera.  Vol.  L.