49:225  225  CAPUT  XI.  226  admonitionem1),  qua  Paulus  utitur,  ad  fideles  aliquo  modo  pertinere2),  ne  sibi  in  carnis  torpore  indulgeant:  sed  ad  praesentem  locum  sufficere  nobis  debet,  eandem  quam  in  Iudaeos  vindictam  Deus  exercuerat  gentibus  denuntiarit  si  fuerint  similes.  23.  Potens  enim  est  Deus3).  Frigidum  apud  homines  profanos  argumentum  hoc  foret.  Potentiam  enim  utcunque  concedant  Deo4):  quia  tamen  procul  speculantur  quasi  coelo  inclusam,  effectu  suo  ut  plurimum  eam  privant.  At  quia  fideles,  quoties  Dei  potentiam  nominari  audiunt,  quasi  praesens  opus  intuentur,  hanc  rationem  satis  putavit  valere  ad  percellendas  eorum  mentes.  Adde  quod  axioma  istud  pro  confesso  sumit,  Deum  ita  ultum  esse  populi  incredulitatem,  ut  tamen  clementiae  suae  non  fuerit  oblitus:  sicuti  alias  saepe,  postquam  Iudaeos  suo  regno  abdicasse  visus  fuerat,  iterum  restituit  Et  comparatione  simul  ostendit,  quanto  facilius  sit  praesentem  rerum  faciem  inverti  quam  fuerat  constitui:  nempe  quanto  facilius  est  ramos  naturales,  si  in  locum  reponantur  unde  exsecti  sint,  substantiam  ducere  a  sua  radice  quam  sylvestres  et  infrugiferos  ab  aliena.  Ea  enim  proportio  erat  inter  Iudaeos  ac  gentes.  25.  Nolo  enim  vos  ignorare,  fratres,  mysterium  hoc,  ut  ne  apud  vosmetipsos  superbiatis  :  quod  caecitas  ex  parte  Israeli  contigit,  donec  plenitudo  gentium  ingrediatur,  26.  atque  ita  universus  Israel  salvus  fiet.  Quemadmodum  scriptum  est:  Veniet  ex  Sion  is,  qui  liberat:  et  avertet  impietates  a  Iacob,  27.  et  hoc  illis  a  me  testamentum,  quum  abstulero  peccata  eorum.  25.  Nolo  vos  ignorare.  Erigit  hic  auditores  ad  maiorem  attentionem,  dum  se  rem  alioqui  arcanam  editurum  profitetur.  Neque  id  facit  sine  causa:  vult  enim  brevi  et  aperta  sententia  hanc  valde  perplexam  quaestionem  concludere:  et  tamen  denuntiat  quod  nemo  unquam  exspectasset.  Causalis  autem  particula,  ne  apud  vos  superbiatis,  indicat  quis  sit  illi  nunc  propositus  scopus:  nempe  ut  gentium  insolentiam  compescat,  ne  contra  Iudaeos  efferantur.  Porro  non  parum  necessaria  haec  admonitio  fuit,  ne  defectio  populi  illius  ultra  modum  infirmos  turbaret,  ac  si  perpetuo  actum  esset  de  omnium  salute.  Quamquam  eadem  hodie  non  minus  nobis  utilis  est,  ut  sciamus  quasi  annulo  obsignatum,  latere  residui  numeri  salutem,  quem  Dominus  tandem  ad  se  colliget.  Quoties  autem  desperationem  nobis  iniicit  longior  mora,  occurrat  mysterii  nomen:  quo  Paulus  clare  admonet,  conversionis  modum  non  vulgarem  neque  usitatum  fore,  *)  merito  ad  omnes  2)  Tenenda  interim  est  solutio  ante  adducta  :  Paulum  non  tam  electos  hic  alloqui  in  quo  multi  erant  qui  solum  habebant  nomen  (vide  supra).  3)  Hoc  argumentum  apud  impios  minimum  valeret.  4)  ex  ea  tamen  nihil  illis  probatur.