29:225  225  SUR  LE  DEUTER.  CHAP.  XXXIV.  226  et  que  la  promesse  devoit  tousiours  demeurer,  et  avoir  vigueur  en  leur  lignee.  Domine  auiourd'huy,  quand  quelqu'un  vendra  un  champ  ou  une  maison,  on  luy  baillera  la  plume  en  la  main,  et  il  la  baillera  a  son  acheteur:  en  d'autres  pays  cela  est  commun,  qu'en  signe  de  iouissance  et  possession  celuy  qui  se  despouille,  et  qui  vend  quelque  heritage,  baillera  le  baston  a  celuy  qui  achete:  ainsi  donc  en  a-il  este  de  ce  signe-la.  Car  comme  i'ay  dit,  ce  n'ont  point  este  des  choses  follement  controuvees:  mais  Dieu  a  voulu  qu'il  y  eust  quelque  certitude,  afin  que  la  foy  des  peres  fust  mieux  aidee.  Voila  donc  pourquoy  en  ce  passage  il  est  dit,  que  Dieu  a  donne  l'Esprit  de  sagesse  a  Iosue,  pour  ce  qu'il  luy  a  mis  les  mains  sur  la  teste.  Or  en  ce  faisant  il  l'ordonne  en  la  charge  qui  luy  estoit  commise.  Regardons  maintenant  en  premier  lieu  si  Moyse  a  eleu  Iosue  a  son  appettit?  Nenni:  mais  il  l'a  cogneu  estre  desia  choisi  de  Dieu:  et  puis  quand  il  luy  a  mis  les  mains  dessus,  estoit-ce  qu'il  attentast  rien  a  sa  fantasie?  Nenni:  mais  au  contraire  il  avoit  este  ordonne  de  Dieu  seul.  Il  sait  qu'il  faut  qu'il  constitue  Iosue  en  sa  place.  Et  cela  n'est  point  dit  seulement  d'un  homme,  mais  quand  les  Apostres  ont  mis  les  mains  sur  les  fidelles,  quant  et  quant  les  graces  visibles  du  sainct  Esprit  se  sont  declarees.  Voila  les  fidelles  qui  ont  receu  le  don  des  langues,  d'interpretation,  de  guerir  les  malades,  de  ressusciter  les  morts.  Et  comment  l'ont-ils  receu?  seulement  on  mettoit  les  mains  sur  eux:  voire-mais  ceste  ceremonie  avoit-elle  telle  vertu?  Nenni:  mais  pource  que  Dieu  vouloit  que  sa  grace  fust  ainsi  declaree,  et  que  c'en  estoit  comme  un  gage,  ce  n'a  pas  este  une  chose  vaine  ni  inutile.  Et  c'est  pourquoy  aussi  sainct  Paul  dit  a  Timothee:  Qu'il  face  valoir  la  grace  qui  luy  a  este  donnee  par  l'imposition  de  ses  mains.  Puis  qu'ainsi  est  (dit-il),  advise  de  t'efforcer  a  servir  Dieu,  et  que  tu  travailles  en  l'edification  de  l'Eglise,  et  que  la  grace  qui  t'a  este  donnee  par  l'imposition  des  mes  mains  ne  soit  pas  empeschee.  Sainct  Paul  ne  s'attribue  pas  ce  qui  est  propre  au  sainct  Esprit:  et  mesmes  il  n'entend  pas  qu'il  ait  le  sainct  Esprit  en  sa  manche  pour  le  donner  a  qui  bon  luy  semblera,  estendant  les  bras:  mais  il  monstre  que  le  signe  que  Dieu  avoit  institue,  n'estoit  pas  vain  ni  inutile.  Au  reste,  il  nous  faut  considerer  en  tous  les  Sacremens  dont  l'Escriture  nous  parle,  plus  qu'il  n'y  a  pas  en  tous  les  signes  qu'on  peut  avoir  en  ce  monde.  I'ay  desia  allegue  la  similitude,  quand  on  baillera  la  plume  a  celuy  qui  achette  un  heritage,  ou  le  baston:  mais  il  y  a  beaucoup  plus  aux  Sacremens,  il  nous  faut  venir  un  degre  bien  plus  haut.  Oar  nostre  Seigneur  besongne  la  par  sa  vertu,  ce  que  les  hommes  ne  peuvent  point  faire.  Ii  est  vray  que  quand  une  telle  ceremonie  Calvini  opera.  Vol  XXIX.