27:225  225  SUR  LE  DEUTER.  CHAP.  XIII.  226  tant  que  Dieu  est  despouille  de  son  honneur,  et  que  les  creatures  se  colloquent  en  son  siege  iudicial,  quand  elles  pretendent  d'imposer  loy  pour  establir  un  regime  spirituel,  que  Dieu  par  cela  declaire  qu'il  fera  une  horrible  vengeance,  et  une  chose  espouvantable.  Et  pourquoy  ?  D'autant  qu'on  l'a  servi  selon  les  commandemens  des  hommes,  et  qu'on  ne  s'est  point  tenu  a  sa  simple  parolle,  qu'il  aveuglera  les  plus  sages,  et  qu'ils  seront  desprouveus  de  toute  raison,  qu'ils  seront  tellement  abrutis  qu'ils  ne  sauront  plus  discerner  rien.  Cela  n'est-il  point  pour  nous  faire  dresser  les  cheveux  en  la  teste?  Que  faut-il  donc?  Suyvons  ce  qui  est  dit  :  Qu'obeissance  vaut  mieux  que  sacrifice.  Voila  une  sentence  ou  il  ne  faut  point  de  glose.  Et  les  Papistes  se  monstrent  auiourd'huy  par  trop  effrontez,  quand  ils  veulent  maintenir  la  tyrannie  de  cest  idole,  et  qu'ils  veulent  tousiours  demeurer  en  ceste  opiniastrete,  de  suyvre  toutes  leurs  folles  devotions,  ou  il  n'y  a  nul  fondement  de  la  parolle  de  Dieu.  Voici  nostre  Seigneur  qui  proteste  qu'il  ne  demande  qu'obeissance  ?  c'est  a  dire,  qu'on  se  tienne  a  sa  verite,  et  qu'on  se  contente  de  ce  qu'il  a  commande.  Et  la  declaration  de  cela  nous  est  ici  donnee  en  deux  mots  par  Moyse:  c'est  qu'on  n'adiouste  rien,  et  qu'on  ne  diminue  a  la  parolle  de  Dieu  :  que  quand  Dieu  a  parle,  on  recoive  d'une  obeissance  paisible  ce  que  il  dira.  Ouy  Seigneur,  tout  ceci  est  iuste,  et  droit,  il  n'y  a  point  de  replique  en  un  seul  poinct  :  et  puis  Seigneur,  tu  nous  as  mis  les  bornes,  ausquelles  il  nous  faut  contenir:  et  ne  point  dire  r  Ceci  est  bon,  ie  feray  encores  cela  d'avantage.  Non:  mais  sachons  que  nostre  vraye  sagesse,  et  nostre  parfaite  integrite  est  de  nous  ranger  paisiblement  a  ta  parolle.  Si  nous  avons  cela,  ne  doutons  point  que  Dieu  n'approuve  toute  nostre  vie:  et  si  nous  en  declinons  tant  peu  que  ce  soit,  non  seulement  nous  luy  serons  en  detestation,  mais  nous  ne  ferons  que  provoquer  sa  vengeance  a  l'encontre  de  nous.  LE  PREMIER  SERMON  SUR  LE  CHAP.  XIII.  V.  1.3  DU  VENDREDI  HE  D'OCTOBRE  1555.  Ici  Dieu  monstre  qu'elle  fermete  de  foy  doit  estre  en  ceux  qui  ont  este  enseignez  par  sa  parolle  :  c'est  qu'ils  puissent  resister  a  tous  mensonges  et  tromperies  de  Satan,  et  s'il  y  a  des  fausses  doctrines,  et  des  erreurs,  qu'ils  n'en  soyent  point  empeschez  :  mais  que  tousiours  il  spersistent  en  la  verite.  Car  si  nous  recevions  la  parolle  quand  elle  nous  Calvini  opera.  Vol  XXVII.