1:225  [CO  1.  225]  tantum  et  defunctorie  commendantes,  suorum  exactam  obedientiam  nihilominus  studiose  et  anxie  urgent,  quam  si  totam  pietatis  vim  in  se  continerent.  Cum  divinae  legis  transgressionem [p. 463]  levibus  satisfactionum  mulctis  ulciscentes,  unius  sui  decreti  vel  minimam  offensionem  nulla  leviore  poena  plectunt,  quam  carcere,  incendio,  aut  gladio.  In  Dei  contemptores  non  ita  asperi  et  inexorabiles,  suos  contemptores  implacabili  odio  ad  extremum  persequuntur.  Ac  eos  omnes  sic  instituunt,  quorum  simplicitatem  captivam  tenent,  ut  ae-  [OS  255]  quiore  animo  universam  Dei  legem  subversam  visuri  sint,  quam  apiculum  in  praeceptis,  ut  vocant,  ecclesiae  violatum.  Primum,  graviter  in  eo  delinquitur,  quod  ob  res  leviculas,  et,  si  Dei  iudicio  staretur,  liberas,  alter  alterum  contemnit,  iudicat,  abiicit.  Nunc  vero,  quasi  id  parum  mali  esset,  pluris  appenduntur  frivola  illa  huius  mundi  elementa  (ut  Paulus  Galatis  scribens  nuncupat,  Gal.  4)  quam  coelestia  Dei  oracula.  Et  qui  prope  in  adulterio  absolvitur,  iudicatur  in  cibo.  Cui  scortum  permittitur,  interdicitur  uxor.  Hoc  scilicet  praevaricatrice  illa  obedientia  proficitur,  quae  tantum  a  Deo  avertitur,  quantum  ad  homines  inclinat.  Cur  igitur  ferri  voluit  Christus  onera  illa  importabilia,  quae  alligant  scribae  et  Pharisaei?  (Matth.  23).  Imo,  cur  alibi  idem  Christus  caveri  voluit  a  fermento  Pharisaeorum?  (Matth.  16).  Fermentum,  interprete  Matthaeo [p. 464]  evangelista,  appellans,  quidquid  propriae  doctrinae  verbi  Dei  puritati  admiscerent.  Quid  apertius  volumus,  quam  quod  totam  eorum  doctrinam  iubemur  fugere  et  cavere?  Unde  nobis  certissimum  fit,  neque  altero  loco  Dominum  suorum  conscientias  voluisse  propriis  Pharisaeorum  traditionibus  vexari.  Et  verba  ipsa,  si  non  contorqueantur,  nihil  tale  sonant.  Quibus  Dominus,  acerbe  in  Pharisaeorum  mores  invehi  instituens,  simpliciter  auditores  ante  suos  erudiebat,  ut  quanquam  nihil  viderent  in  eorum  vita,  quod  sequerentur,  non  tamen  ea  facere  desinerent,  quae  verbo  docebant,  cum  in  cathedra  Mosis,  hoc  est,  ad  enarrandam  legem  sederent.  Quando  vero  imperiti  plerique,  dum  humanis  traditionibus  et  impie  ligari  fidelium  conscientias  et  frustra  Deum  coli  audiunt,  eadem  litura  leges  omnes  inducunt,  quibus  ecclesiae  ordo  constituitur,  illorum  quoque  errori  commodum  hic  occurrendum  est.  Falli  hic  sane  perquam  lubricum  est,  quia  non  prima  statim  facie  apparet,  quantum  inter  illas  et  has  intersit  Sed  nos  ita  dilucide  rem  totam  paucis  expediemus,  ne  cui  imponat  similitudo.  Hoc  primum  habeamus.  Si  in  omni  hominum  societate  necessariam  esse  politiam  aliquam  videmus,  quae  ad  alendam  communem  pacem,  ac [p. 465]  retinendam  concordiam  valeat,  si  in  rebus  agendis  aliquem  ritum  qui  ad  publicam  pertineat  honestatem  atque  adeo  humanitatem  ipsam,  id  in  ecclesiis  praesertim  Calvini  opera.  Vol  I.