56:224  31.  Et  y  meneray  vos  petits,  desquels  vous  avez  dit,  qu'ils  seroyent  en  proye:  et  cognoistront  la  terre,  laquelle  vous  avez  mesprisee.  32.  Vos  charongnes  donc  tomberont  en  ce  desert.  33.  Mais  vos  enfans  seront  paissans  en  ce  desert  quarante  ans:  et  porteront  vos  fornications,  iusqu'a  ce  que  vos  charonges  seront  consumees  au  desert.  34.  Selon  le  nombre  des  iours,  par  lesquels  vous  avez  espie  la  terre,  assavoir  quarante  iours,  un  chacun  iour  pour  chacun  an,  vous  porterez  la  peine  de  vos  iniquitez  par  quarante  ans,  afin  que  vous  cognoissiez  mon  mensonge.1)  35.  Ie  suis  l'Eternel  qui  ay  parle,  si  ie  n'en  fay  ainsi  a  toute  ceste  meschante  assemblee,  qui  s'est  amassee  contre  moy,  c'est  qu'ils  seront  consumez  en  ce  desert,  et  y  mourront.  36.  Et  les  personnages  que  Moyse  avoit  envoyez  pour  espier  la  terre,  et  qui  estans  retournez  ont  fait  murmurer  contre  luy  toute  la  congregation,  en  rapportant  choses  diffamatoires  de  la  terre:  37.  Les  dits  personnages  qui  ont  rapporte  choses  diffamatoires  de  la  terre  mourront  de  playe  devant  l'Eternel.  38.  Mais  Iosue  fils  de  Nun,  et  Caleb  fils  de  Iephone  vivront,  d'entre  ceux  qui  sont  allez  espier  la  terre.  39.  Or  Moyse  dit  toutes  ces  choses  aux  enfans  d'Israel:  dont  le  peuple  mena  fort  grand  dueil.  40.  Et  se  leverent  au  matin,  et  monterent  au  coupeau  de  la  montagne,  disans,  Voici,  nous  monterons  au  lieu  que  l'Eternel  a  dit:  car  nous  avons  peche.  41.  Mais  Moyse  leur  dit,  Pourquoy  transgressez-vous  le  commandement  de  l'Eternel?  Il  ne  vous  retournera  point  a  bien.  42.  N'y  montez  point:  a  ce  que  vous  ne  soyez  ruinez  devant  vos  ennemis:  car  l'Eternel  n'est  point  au  milieu  de  vous.  43.  Aussi  les  Amalecites  et  Chananeens  sont  la  devant  vous,  et  vous  tomberez  par  glaive.  D'autant  que  vous  vous  estes  destournez  de  suyvre  l'Eternel,  dont  l'Eternel  ne  sera  point  avecques  vous.  44.  Mais  ils  s'ingererent  de  monter  au  coupeau  de  la  montagne.  Et  l'Arche  de  l'alliance  de  l'Eternel  et  Moyse  ne  bougerent  du  milieu  de  Tost.  45.  Adonc  les  Amalecites  et  les  Chananeens,  habitans  en  ceste  montagne,  descendirent,  et  les  fraperent,  et  les  froisserent  iusqu'en  Horma.  Chapitre  XV.  1.  Et  l'Eternel  parla  a  Moyse,  disant,  2.  Parle  aux  enfans  d'Israel  et  leur  di,  Quand  vous  serez  entrez  en  la  terre  de  vos  habitations,  laquelle  ie  vous  donne:  3.  Et  que  voudrez  faire  oblation  par  feu  a  l'Eternel,  holocausto  ou  sacrifice,  pour  rendre  vostre  voeu  ou  volontaire,  ou  pour  vos  solennitez,  en  faisant  odeur  paisible  a  l'Eternel  de  beuf  ou  de  brebis:  4.  Quiconque  voudra  offrir,  qu'il  offre  en  l)  mon  aneantissement  59.  l'empeschement  que  ie  donneray  O.  46.  54.