55:224  non  quo  sensu  Iudaeos,  quibus  scribit,  vocavit  initio  epistolae  inquilinos:  sed  quia  pii  omnes  in  hoc  mundo  peregrinantur,  Heb.  l  l  ,  13,  38.  18.  Scientes.  Aliud  argumentum  a  redemptionis  nostrae  pretio,  quod  nobis  semper  in  memoriam  venire  debet  quum  de  salute  nostra  agitur.  Nam  qui  evangelii  gratiam  repudiat  aut  spernit,  ei  non  modo  vilis  est  et  abiecta  sua  salus,  sed  etiam  sanguis  Christi,  quo  eam  aestimavit  Deus.  Scimus  autem  quam  horrendum  sit  sacrilegium,  sanguinem  filii  Dei  profanare.  Quare  nihil  est  quod  nos  ad  sanctitatis  studium  acrius  stimulare  debeat  quam  huius  pretii  memoria.  Aurum  et  a  r  g  e  n  t  um  amplificandi  causa  opponit  ex  adverso:  ut  sciamus  totum  mundum  et  quaecunque  hominibus  pretiosa  sunt,  ad  huius  pretii  excellentiam  nihil  esse.  Dicit  autem  r  e  d  e  m  p  t  o  s  a  vana  conversatione:  ut  sciamus  totam  hominis  vitam  exitialem  esse  errorum  labyrinthum,  donec  ad  Christum  conversus  fuerit.  Deinde  significat,  non  meritis  nostris  fieri  ut  in  viam  reducamur:  sed  quia  Deus  pretium,  quod  pro  salute  nostra  impendit,  vult  in  nobis  esse  efficax.  Ergo  sanguis  Christi  non  modo  salutis  nostrae  pignus  est,  sed  vocationis  etiam  nostrae  causa.  Porro  monet  Petrus  cavendum  esse  ne  ipsum  incredulitas  nostra  exinaniat,  vel  irritum  reddat.  Quum  iactet  Paulus  se  pura  conscientia  Deum  colere  usque  a  proavis:  et  idem  Timotheo  ad  imitationem  commendet  pietatem  aviae  Loidos  et  matris  Eunices:  dicat  etiam  Christus  de  Iudaeis,  ipsos  scire  quem  Deum  adorent:  videri  potest  hoc  absurdum,  quod  Petrus  Iudaeos  sui  temporis  nihil  ex  patrum  institutione  didicisse  asserit  praeter  meram  vanitatem.  Respondeo,  Christum,  quum  Iudaeis  rationem,  vel  scientiam  religionis  quam  tenent,  constare  praedicat,  respicere  ad  legem  potius  et  mandatum  Dei  quam  ad  vulgus  hominum.  Quia  enim  templum  non  temere  erectum  fuerat  Ierosolymis,  neque  illic  hominum  arbitrio,  sed  iuxta  legis  praescriptum  colebatur  Deus:  ideo  dicit  Iudaeos  non  errare  in  hac  legis  observatione.  Quantum  ad  Pauli  proavos,  Loidem,  Eunicen,  et  similes,  non  dubium  est  quin  exiguas  saltem  reliquias  in  populo  illo  Deus  semper  habuerit,  in  quibus  sincera  pietas  manebat:  interea  corpus  ipsum  populi  mire  corruptum  erat,  et  diffluxerat  in  omne  errorum  genus.  Regnabant  innumerae  superstitiones,  invaluerat  hypocrisis,  salutis  fiducia  ad  nugas  nescio  quas  traducta  erat:  non  modo  pravis  opinionibus  imbuti  erant,  sed  crassis  etiam  deliriis  fascinati.  Qui  vero  in  diversas  mundi  plagas  dispersi  erant,  maioribus  corruptelis  erant  impliciti.  Denique  maxima  ex  parte  gens  illa  a  vera  pietate  vel  defecerat  prorsus,  vel  multum  degeneraverat.  Quum  ergo  patrum  institutionem  damnat  Petrus,  separat  cam  a  Christo,  qui  solus  est  legis  anima  et  veritas.  Hinc  vero  colligimus,