49:224  tate  permanserint  Fateor  quidem,  simul  ac  Dei  bonitate  quispiam  abutitur,  dignum  esse  qui  privetur  oblata  gratia:  sed  improprie  de  aliquo  piorum  hoc  specialiter  dictum  foret,  Deum  eius  misertum  esse,  quum  eum  elegit,  si  modo  in  misericordia  permaneat.  Nam  fidei  perseverantia,  quae  effectum  gratiae  Dei  in  nobis  complet,  ex  electione  ipsa  manat:  gentes  ergo  Paulus  ascitas  hac  lege  esse  docet  in  spem  vitae  aeternae,  ut  eius  possessionem  sua  gratitudine  retineant.  Et  certe  horribilis  quae  postea  contigit  totius  mundi  defectio,  quam  non  supervacua  fuerit  admonitio  haec,  luculente  testatur.  Nam  quum  Deus  fere  momento  sua  gratia  longe  lateque  irrigasset,  ut  floreret  ubique  religio,  paulo  post  evanuit  evangelii  veritas,  et  ablatus  fuit  salutis  thesaurus.  Unde  autem  tam  subita  mutatio,  nisi  quia  gentes  a  sua  vocatione  exciderunt  ?  Alioqui  tu  quoque  excideris1.)  Iam  tenemus  quo  sensu  nunc  excisionem  iis  minetur  Paulus,  quos  iam  prius  per  Dei  electionem  insitos  in  spem  vitae  confessus  est  Primum  enim2),  tametsi  evenire  hoc  electis  non  potest,  opus  tamen  habent  tali  exhortatione,  ad  domandam  carnis  superbiam:  quae  ut  est  revera  contraria  eorum  saluti,  sic  merito  damnationis  formidine  terreri  debet*  Quatenus  ergo  illuminati  sunt  fide  Christiani,  audiunt  ad  certitudinem  suam  sine  poenitentia  esse  vocationem  Dei:  quatenus  vero  carnem  circumferunt,  quae  lascivit  contra  Dei  gratiam,  hac  voce  ad  humilitatem  erudiuntur:  Cave  ne  excidaris.  Caeterum3)  tenenda  est  quam  adduxi  solutio,  Paulum  hic  non  de  speciali  cuiusque  electione  disserere,  sed  opponere  gentibus  Iudaeos:  ideoque  his  verbis  non  tam  electos  alloqui,  quam  eos  qui  falso  gloriabantur  se  Iudaeorum  locum  occupasse.  Imo  ad  gentiles  simul  verba  facit,  et  totum  corpus  in  commune  appellat,  in  quo  multi  erant  titulo  tenus  duntaxat  fideles  et  Christi  membra.  Quod  si  de  singulis  hominibus  quaeritur  qualiter  ex  insitione  excidi  quis  possit,  et  qualiter  post  excisionem  rursum  inseri:  propone  tibi  formam  msitionis  triplicem,  exsectionis  duplicem.  Inseruntur  enim  fidelium  liberi,  quibus  promissio  ex  pacto  cum  patribus  initio  debetur:  inseruntur,  qui  semen  evangelii  in  se  quidem  concipiunt,  sed,  quod  radicem  non  ducit,  vel  ante  suffocatur  quam  ad  frugem  perveniat:  tertio  loco  inseruntur  electi,  qui  scilicet  immutabili  Dei  proposito  illuminantur  in  vitam  aeternam.  Primi  exciduntur,  ubi  promissionem  patribus  datam  respuunt,  vel  alias  sua  ingratitudine  eam  non  suscipiunt.  Secundi,  quum  semen  exarescit  et  corrumpitur:  cuius  mali  periculum  quum  omnibus  immineat,  quantum  attinet  ad  suam  naturam:  fatendum  est*)  hanc  *)  Posset  mirum  videri  quod  iis  z)  verum  3)  ut  intelligas  4)  videmus