27:224  core  ce  que  ie  veux  faire.  Et  si  un  homme  prive  venoit  mesler  parmi  les  statuts  du  Magistrat  ce  qu'il  aura  invente  en  son  cerveau,  ne  trouble-il  pas  tout  l'ordre  public?  Et  ceux  qui  se  voudroyent  conioindre  a  luy,  ne  se  monsteroyent  il  pas  estre  rebelles  a  leurs  superieurs?  Or  nostre  Seigneur  par  son  Prophete  Isaie  dit  qu'il  veut  estre  cogneu  luy  seul  Legislateur.  Voila  le  tiltre  qu'il  s'attribue.  Puis  donc  que  Dieu  veut  estre  Legislateur  luy  seul,  que  dirons-nous  quand  les  hommes  seront  constituez  en  sa  place?  N'est-ce  point  plus  que  mesler  le  ciel  et  la  terre?  Et  de  faict:  S.  Iaques  encore  exprime  mieux  ce  qui  estoit  dit  par  le  Prophete  Isaie.  Car  il  dit  qu'il  n'y  a  qu'un  seul  Legislateur  qui  puisse  sauver  et  damner.  Quand  les  hommes  sont  colloquez  en  cest  estat  et  dignite,  de  nous  imposer  des  loix  pour  gouverner  nos  ames,  ie  di  quant  au  regime  spirituel,  (car  il  n'est  point  question  des  loix  politiques,  mais  du  service  de  Dieu),  quand  les  hommes  donc  sont  eslevez  iusques  la,  ou  qu'ils  presument  d'y  monter:  c'est  autant  comme  s'ils  despouilloyent  Dieu  du  tiltre  de  Sauveur,  et  de  Iuge.  Oar  s'il  n'est  point  seul  Legislateur,  S.  Iaques  conclud  qu'il  n'est  point  seul  Iuge,  que  ce  n'est  point  a  luy  seul  de  nous  condamner  ou  sauver:  que  les  creatures  viennent  la,  et  que  nostre  salut,  qui  est  en  Dieu  seul,  soit  attribue  a  des  povres  charongnes,  a  des  vers  de  terre  :  ou  est-ce  aller  ?  Ainsi  donc  notons  bien,  que  quand  Moyse  a  ici  prononce,  qu'il  n'est  point  licite  d'adiouster  rien  a  ce  que  Dieu  a  commande  en  sa  Loy,  que  par  cela  ii  condamne  toutes  les  devotions  qui  iamais  ont  este  inventees  du  monde.  On  trouvera  estrange  pourquoy  c'est  que  Dieu  a  despendu  si  estroitement  qu'on  n'adiouste  rien  a  sa  Loy  :  mais  les  raisons  que  ie  vien  d'amener,  ne  nous  doyvent-elles  pas  suffire?  Et  de  faict,  le  monde  se  condamne  par  sa  propre  bouche.  Ce  proverbe  estil  invente  de  nostre  temps?  N'a-il  pas  tousiours  regne  entre  les  Papistes:  Tu  es  serviteur  du  diable,  tu  fais  plus  qu'on  ne  te  commande?  Il  y  a  cent  ant  devant  que  nous  fussions  nais  qu'on  parloit  ainsi  un  tel  langage:  cela  estoit  tout  commun.  Et  les  Papistes  qu'ont-ils  fait?  Ils  ont  laisse  les  commandemens  de  Dieu  pour  courir  apres  leurs  inventions,  et  apres  leurs  badinages:  et  neantmoins  tous  les  iours  ils  disent:  Tu  es  serviteur  du  diable.  Si  un  maistre  se  sache  quand  son  serviteur  aura  laisse  a  faire  ce  qui  luy  estoit  commande,  pour  suivre  ce  qu'il  avoit  conceu  en  sa  phantasie,  et  qu'il  pense  contenter  son  maistre,  pour  dire:  I'ay  mieux  fait  que  vous  ne  pensiez.  Et  tu  es  serviteur  du  diable,  dira  le  maistre:  car  tu  fais  plus  qu'on  ne  te  commande.  Et  toy,  qui  estu?  Tu  fais  le  semblable  a  Dieu:  car  tu  le  veux  servir  a  ta  guise,  et  cependant  tu  ne  regardes  point  a  ce  qu'il  t'a  commande.  Et  ainsi  retenons,  d'au-