10.1:224  rum,  ne  ita  vos  proscindatis  mutuo,  ut  invertendi  ordinis  causam  ipsi  praebeatis.  Pluribus  agere  vobiscum  non  est  necesse,  quum  nemo  sit  qui  et  mali  magnitudinem,  et  quid  illud  consequatur,  non  percipiat.  Quumque  non  nunc  primum  vestra  ecclesia  ruinam  illam  duxerit,  eo  minus  sunt  excusabiles,  qui  mali  causam  dederunt.  Quare  a  vobis  petimus,  ut  scrio  vobis  attendatis  in  posterum,  ut  Satanae  artes  praecaveatis.  Dum  enim  vi  et  fulgore  veritatis,  quam  Dominus  mundo  restituit,  premi  se  sentit,  totus  in  eo  est,  ut  ordinem  ecclesiae  convellendo  pio3  omnes  probro  et  ignominiae  exponat.  Quod  ad  istam  ministerii  abdicationem,  secundum  ea  quae  ad  nos  frater  scripto  detulit,  ipsi  nempe,  quum  a  nemine  accusatus  sit,  suggestum  interdictum  esse,  non  expressa  ulla  ratione:  alienissima  nobis  haec  agendi  ratio,  ut  re  ipsa  est,  plane  etiam  videtur.  Neque  vero  quod  ab  illo  accepimus,  dissimulandum  apud  vos  duximus,  ut  si  quid  hic  in  agendi  modo  peccatum  est,  emendaretur,  tam  ut  illi  iusta  querimoniae  causa,  quam  ut  scandalum  simul  coniunctum  tolli  possit.  Et  tamen  hanc  nostram  admonitionem  praeiudicium  vobis  afferre  nolumus;  sed  illa  tantum  eo  spectat,  ut  nostro  officio  defungamur.  Hoc  tantum  habuimus  quod  vobis  scriberemus  ea  de  re,  de  qua  nobis  non  satis  liquet:  non  quod  vestra  nobis  integritas  in  dubium  veniat,  sed  ne  levitatis  alicuius  nota  nobis  impingatur,  si  re  minus  explorata  ulterius  progrederemur.  Neque  rursum  vos  urgere  volumus,  ut  quid  rei  sit,  amplius  nobis  signifieetis:  nisi  quod  eam  hic  lucem  afferri  optaremus,  quae  noxios  omnes  rumores  statim  profligaret.  Illud  penes  vos  esto.  Nobis  satis  erit,  quod  vos  fraterne  exhortati  simus,  ut  videretis  ne  quid  ecclesia  vobis  credita  ab  unitate  et  concordia  alienum  admitteret:  ac  proinde  ne  sacer  ille  ordo  qui  obtinere  debet,  iurgiis  et  rixis  pessumdaretur.  Nostis  enim  ut  Dei  filios  spiritu  mansuetudinis  in  vera  moderatione  contineri  oporteat.  Nos  interea  Deum  precamur,  ut  sublatis  illis  litibus  et  plane  exstinctis,  quae  vobis  distrahendis  tantum  valuerunt,  suo  vos  praesidio  protegat,  in  omni  bono  prosperare  donet,  sua  in  vobis  dona  adaugeat,  ut  tanto  magis  glorificetur  in  vobis.  Genevae,  10.  Decembris.  AD  QUAESTIONES  CIKCA  DISCIPLINAM  ECCLESIAE  RESPONSA.l)  Hac  ubique  astutia  molitur  Satan  Christi  ecclesiam  pessumdare,  quando  puram  doctrinam,  quae  est  veluti  anima,  prorsus  exstinguere  non  potest,  ut  fracta  et  soluta  disciplina  nervos  corporis  inci-  1)  Epp.  et  Responsa  ed.  Genev,  p.  336,  Laus.  p.  640,  Hanov.  p.  719,  Chouet  p.  461,  Amst.  p.  210.