7:223  223  CONTRE  LA  SECTE  224  congnoissons  que  comme  Dieu  nous  a  esleuz  et  adoptez  pour  ses  enfans,  devant  la  creation  du  monde  (Ephes.  1,  4):  aussi  il  nous1)  seelle  le  tesmoignage  de  nostre  adoption  par  son  Evangile:  et  mesme  nous  introduict  aucunement  en  nostre  heritaige:  mais  non  pas  que  par  esperance.  Et  pendant  que  nous  vivons  en  ce  monde,  nous  sommes  comme  estrangiers,  attendans  que  les  biens  qui  [page  182]  nous  sont  promis,  nous  soyent  exhibez  en  effect,  et  que  nous  voyons  face  a  face,  ce  qui  nous  est  maintenant  propose  en  miroir  et  figures  obscures,  gelon  que  dict  sainct  Paul  (1  Cor.  13,  12).  Nous  sommes  absens  de  Dieu,  comme  il  dict  en  un  autre  passage  (2  Cor.  5,  7),  en  tant  que  nous  cheminons  par  foy,  et  non  par  vision  et  iouyssance  actuelle.  Ainsi  nous  travaillons,  esperans  repos  apres  la  mort:  nous  bataillons,  esperans  de  recevoir  alors  le  fruict  de  nostre  victoire:  nous  gemissons,  attendans  de  recevoir  ioye  et  consolation.  Brief,  pour  ce  que  nous  serions  les  plus  malheureux  du  monde,  si  nostre  esperance  estoit  enclose  en  la  vie  presente  (1  Cor.  15,  19  s.),  nous  aspirons  a  ceste  felicite  souveraine,  laquelle  surmonte  l'entendement  humain:  a  ceste  vie  bien  heureuse  en  laquelle  nostre  Seigneur  Iesus  est  entre  pour  nous  conduire  en  nostre  ordre.  Ce  pendant  nous  croyons  ce  qui  nous  est  dict  par  la  bouche  de  sainct  Paul,  que  quand  ceste  loge  terrestre  sera  destruicte,  nous  aurons  une  maison  permanente  [page  183]  aux  cieux  (2  Cor.  5,  1  s.):  nous  savons  aussi  que  c'est  la  ou  l'Evangile  nous  appelle:  parquoy  nous  desirons  de  sortir  de  ceste  prison,  pour  estre  avec  le  Seigneur:  nous  savons  qu'estans  en  sa  compaignie  nous  aurons  vray  contentement  et  fruition  de  tous  biens.  Au  reste,  pour  ce  que  l'Escriture  nous  renvoye  tousiours  a  ce  dernier  iour,  auquel  elle  promet  que  Iesus  Christ  viendra  iuger  le  monde:  nostre  souveraine  esperance  gist  aussi  la.  Car  combien  que  les  ames  des  fideles,  depuis  que  elles  sont  separees  des  corps,  vivent  avec  Dieu  et  soyent  en  la  ioye  heureuse  de  son  Royaume  :  neantmoins  tant  la  gloire  que  la  parfaicte  felicite  de  tous  les  enfans  de  Dieu,  est  differee  iusques  au  second  advenement  de  Christ.  Tellement  qu'Abel,  Noe,  Abraham  et  tous  les  anciens  peres  nous  attendent,  n'ayans  point  receu  leurs  couronnes,  a  fin  que  nous  soyons  couronnez  tous  ensemble  (Hebr.  l  l  ,  40).  Il  faut  donc  que  l'entendement  des  fideles  soit  du  tout  fiche  en  ce  iour-la  et  que  leur  cueur  j  soit  arreste.  Comme  aussi  nous  voyons  [page  184]  que  l'Escriture  est  pleine  de  telles  exhortations.  Que  veulent  donc  dire  ces  malheureux,  qui  nous  ostent  le  principal  poinct  de  nostre  Chrestiente?  L'Escriture  crie  haut  et  clair  (Luc  21,  28),  1)  animis  nostris.