51:223  223  EPIST.  PAULI  AD  EPHESIOS  224  Biam,  haec  peculiaris  illi  virtus  fuit:  quam  minime  datum  est  hominibus  sua  imitatione  assequi.  Iam  vero  addit,  ut  eam  s  a  n  c  t  i  f  i  c  a  r  e  t  :  hoc  est,  ut  segregaret  eam  sibi.  Ita  enim  sanctificationis  vocabulum  accipio.  Porro  id  fit  per  remissionem  peccatorum  et  regenerationem  spiritus.  26.  Mundans  lavacro  aquae.  Internae  et  arcanae  sanctificationi  addit  etiam  externum  symbolum:  quia  in  hoc  conspicua  est  illius  confirmatio.  Ac  si  diceret,  illius  sanctificationis  pignus  baptismo  exhibitum  fuisse.  Qu  am  qu  am  sana  interpretatione  hic  opus  est,  ne  ex  sacramento  (quod  saepe  accidit)  prava  superstitione  idolum  sibi  faciant  homines.  Quod  baptismo  nos  ablui  docet  Paulus,  ideo  est,  quod  illic  nobis  ablutionem  nostram  testatur  Deus,  et  simul  efficit  quod  figurat.  Nisi  enim  coniuncta  esset  rei  veritas,  aut  exhibitio,  quod  idem  est:  impropria  haec  loquutio  esset,  baptismus  est  lavacrum  animae.  Interea  cavendum  ne,  quod  unius  Dei  est,  vel  ad  signum,  vel  ad  ministrum  transferatur:  hoc  est,  ut  minister  censeatur  ablutionis  autor,  ut  aqua  putetur  animae  sordes  purgare  :  quod  nonnisi  Christi  sanguini  convenit.  Denique  cavendum  ne  ulla  fiduciae  nostrae  portio  vel  in  elemento,  vel  in  homine  haereat.  Quando  hic  demum  verus  ac  rectus  sacramenti  usus  est,  recta  nos  ad  Christum  manu  ducere,  et  in  ipso  sistere.  Quod  autem  aliqui  in  hoc  baptismi  elogio  magis  extenuando  sudant,  ne  signo  nimium  tribuatur,  si  vocetur  animae  lavacrum  :  perperam  faciunt.  Nam  primum  apostolus  non  docet  signum  esse  quod  mundet,  sed  asserit  solius  Dei  esse  opus.  Est  ergo  Deus  qui  mundat:  nec  transferri  hoc  honoris  ad  signum  fas  est,  aut  signo  communicari.  Verum  signo  Deum  tanquam  organo  uti,  non  est  absurdum.  Non  quia  virtus  Dei  inclusa  sit  in  signo:  sed  quia  nobis  eam  pro  imbecillitatis  nostrae  captu  tali  adminiculo  distribuat.  Id  quosdam  male  habet,  quia  putant  spiritui  sancto  auferri  quod  est  eius  proprium,  et  quod  illi  scriptura  passim  vendicat.  Sed  falluntur:  nam  ita  Deus  per  signum  agit,  ut  tota  signi  efficacia  nihilominus  a  spiritu  suo  pendeat.  Ita  nihil  plus  signo  tribuitur  quam  ut  sit  inferius  organum  et  quidem  a  se  ipso  inutile,  nisi  quatenus  aliunde  vim  suam  mutuatur.  Quod  praeterea  verentur  ne  libertas  Dei  sit  alligata,  frivolum  est.  Neque  enim  affixa  est  signis  Dei  gratia,  quin  citra  adminiculum  signi  libere  eam  distribuat,  si  velit.  Deinde  multi  signum  recipiunt,  qui  tamen  gratiae  non  fiunt  participes:  quia  signum  omnibus  est  commune,  hoc  est  bonis  indifferenter  ac  malis:  spiritus  autem  nonnisi  electis  confertur.  Atqui  signum,  ut  diximus,  absque  spiritu  est  inefficax*.  Participium  graecum  xaftapiaac,  est  praeteriti  temporis:  ac  si  dicas:  postquam  mundavit.  Verum  quia  apud  Latinos  nullum  est  tale  participium  activum,  malui  tempus  negligere