50:223  223  EPIST.  PAULI  AD  GALATAS  224  que  gentis  sit  vel  conditionis.  Nec  pluris  esse  circumcisionem  quam  sexum  vel  civilem  statum.  Quare?  Omnes  enim  unum  Christus  facit.  Utcunque  igitur  alia  sint  diversa,  sufficit  unus  Christus  ad  omnes  copulandos.  Ideo  dicit,  unus  estis:  quo  significat  sublatum  esse  discrimen.  Huc  tendit  oratio,  non  pendere  a  lege  adoptionis  gratiam,  nec  spem  salutis,  sed  in  solo  Christo  contineri.  Unus  igitur  Christus  est  omnia.  Graecos  accipi  pro  gentibus  et  speciem  poni  pro  genere,  usitatum  est.  29.  Ergo  semen  Abrahae.  Non  ideo  hoc  addidit,  quia  potius  sit  esse  Abrahae  filium  quam  Christi  membrum,  sed  ut  retundat  Iudaeorum  superbiam,  quia  sua  praerogativa  gloriabantur,  quasi  soli  essent  Dei  populus.  Nihil  autem  praestantius  habebant  quam  genus  Abrahae.  Ideo  hanc  ipsam  praestantiam  communem  facit  omnibus,  qui  in  Christum  credunt.  Consequentia  autem  hac  ratione  nititur,  quod  Christus  semen  illud  est  benedictum,  in  quo  uniuntur  omnes  Abrahae  filii:  ut  dictum  est.  Atque  hoc  probat,  quia  communiter  omnibus  offertur  haereditas:  unde  sequitur,  promissione  inter  filios  referri.  Observa  autem,  semper  relative  fidem  cum  promissione  iungi.  CAPUT  iv.  1.  Dico  autem,  quamdiu  haeres  puer  est,  nihil  differt  a  servo,  quum  tamen  sit  dominus  omnium.  2.  Sed  sub  tutoribus  et  curatoribus  est  usque  ad  tempus  a  patre  definitum.  3.  Sic  et  nos  quum  essemus  pueri,  sub  elementis  mundi  in  servitute  eramus.  4.  Quando  autem  venit  plenitudo  temporis,  misit  Deus  filium  suum  factum  ex  muliere,  redactum  sub  legem:  5.  ut  eos  qui  sub  lege  erant,  redimeret,  ut  adoptionem  reciperemus.  1.  Dico  autem.  Quisquis  capitum  sectiones  distribuit,  male  hanc  sententiam  avulsit  a  superioribus,  quum  nihil  sit  quam  erceCepyaaia,  qua  Paulus  explicat  et  illustrat  discrimen  quod  est  inter  nos  et  veterem  populum.  Id  autem  facit,  adducta  tertia  similitudine  pupilli  et  tutoris.  Pupillus  tametsi  liber  est,  imo  etiam  dominus  paternae  familiae,  similis  tamen  est  servo:  quia  regitur  imperio  tutorum.  Durat  autem  subiectio  tutelae  usque  ad  tempus  a  patre  ordinatum,  postea  libertate  sua  fruitur.  In  hunc  modum  patres  sub  vetere  testamento,  quum  filii  Dei  essent,  liberi  fuerunt.  Sed  in  possessione  libertatis  non  erant:  quum  lex  fuerit  illis  instar  tutoris,  quae  sub  iugo  eos  tenebat.  Duravit  ista  servitus  legis  quamdiu  Deo  visum  est,  qui  finem  illi  imposuit  Christi  adventu.  Quod  autem  Paulus  tutelam  finit  sola  patris  ordinatione: